ព័ត៌មានអន្ដរជាតិ
Microsoft គ្រោងចែកឧបករណ៍បំពាក់ប្រព័ន្ធ IOS របស់ Apple ឱ្យបុគ្គលិកនៅចិនប្រើប្រាស់
ក្រុមហ៊ុនបច្ចេកវិទ្យាយក្ស Microsoft មានបំណងផ្ដល់ឧបករណ៍ ដែលបំពាក់ប្រព័ន្ធប្រតិបត្តិការ iOS របស់ក្រុមហ៊ុនបច្ចេកវិទ្យាគូប្រជែង Apple ទៅឱ្យបុគ្គលិករបស់ខ្លួននៅក្នុងប្រទេសចិនប្រើប្រាស់ ដើម្បីឱ្យពួកគេអាចចូលប្រើប្រាស់កម្មវិធីផ្ទៀងផ្ទាត់អត្តសញ្ញាណ (Authentication Apps) មួយចំនួន។
ទីភ្នាក់ងារសារព័ត៌មានរ៉យទ័រ បានរាយការណ៍ដោយស្រង់សម្ដីអ្នកនាំពាក្យរបស់ Microsoft ដែលនិយាយថា ការផ្ដល់នេះធ្វើឡើង ដោយសារតែកង្វះសេវាកម្មប្រព័ន្ធប្រតិបត្តិការអេនដ្រយ (Android) របស់ក្រុមហ៊ុនបច្ចេកវិទ្យា Google នៅក្នុងប្រទេសចិន។
បើតាមសេចក្ដីរាយការណ៍របស់សារព័ត៌មាន Bloomberg វិញ ក្រុមហ៊ុន Microsoft បានណែនាំបុគ្គលិករបស់ខ្លួននៅក្នុងប្រទេសចិន ឱ្យប្រើឧបករណ៍ក្រុមហ៊ុន Apple នៅកន្លែងធ្វើការ ចាប់ពីខែកញ្ញាខាងមុខតទៅ។
Bloomberg បានផ្សាយបន្ថែមថា ក្រោមផ្នែកមួយនៃ «គំនិតផ្តួចផ្តើមអនាគតប្រកបដោយសុវត្ថិភាព» (Secure Future Initiative) ជាសកល របស់ក្រុមហ៊ុន Microsoft ការផ្លាស់ប្តូរទៅប្រើប្រាស់ឧបករណ៍បំពាក់ប្រព័ន្ធ iOS កើតឡើងដោយសារកង្វះខាតនៃកម្មវិធីទិញកម្មវិធី Play Store របស់ Google នៅក្នុងប្រទេសចិន ដែលការណ៍នេះ ធ្វើឱ្យបុគ្គលិករបស់ខ្លួនពិបាកចូលប្រើកម្មវិធីសុវត្ថិភាពដូចជា Microsoft Authenticator និង Identity Pass ជាដើម។
ក្រុមហ៊ុននឹងផ្តល់ម៉ូដែល iPhone 15 ដល់បុគ្គលិក ដែលបច្ចុប្បន្នកំពុងប្រើប្រាស់ទូរស័ព្ទអេនដ្រយ នៅទូទាំងប្រទេសចិន រួមទាំងទីក្រុងហុងកុងផងដែរ។
គួរបញ្ជាក់ថា ក្រុមហ៊ុន Microsoft ស្ថិតក្នុងចំណោមក្រុមហ៊ុនអាមេរិកទាំងអស់ ដែលមានវត្តមានដ៏មហិមានៅចិន។ ក្រុមហ៊ុននេះបានចូលទីផ្សារប្រទេសនេះក្នុងឆ្នាំ ១៩៩២ ហើយក៏ដំណើរការមជ្ឈមណ្ឌលស្រាវជ្រាវ និងអភិវឌ្ឍន៍ដ៏ធំមួយនៅទីនោះផងដែរ។
បច្ចុប្បន្ន ក្រុមហ៊ុន Microsoft កំពុងស្ថិតនៅក្រោមការត្រួតពិនិត្យកាន់តែខ្លាំងឡើងៗ ក្រោយមានការរំលោភលើសុវត្ថិភាពជាបន្តបន្ទាប់។ ចុងក្រោយបំផុតគឺ ក្រុមហែកឃឺររុស្ស៊ី បានធ្វើចារកម្ម និងចូលប្រើអ៊ីមែលរបស់បុគ្គលិក និងអតិថិជនរបស់ក្រុមហ៊ុន កាលពីដើមឆ្នាំនេះ៕
-
សន្តិសុខសង្គម៣ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ១ សប្តាហ៍ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
សេដ្ឋកិច្ច១០ ម៉ោង agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៥ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៦ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៥ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា