ចរាចរណ៍

បុរសម្នាក់ជិះម៉ូតូបុករថយន្តបត់ក្រោយមិនប្រយ័ត្ន បណ្តាលឲ្យស្លាប់ ក្រោយពេលបញ្ជូនទៅមន្ទីរពេទ្យ

បានផុស

៤ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

រថយន្តបត់ក្រោយមិនប្រយ័ត្ន ត្រូវម៉ូតូបុកពីចំហៀងបណ្តាលឲ្យនាក់ជិះម៉ូតូស្លាប់ ក្រោយពេលបញ្ជូនទៅមន្ទីរពេទ្យ ដែលហេតុការណ៍កើតឡើងកាលពីវេលាម៉ោង១៩ និង៣០នាទីយប់ កាលពីថ្ងៃទី១៨ ខែសីហា ឆ្នាំ២០២១ លើវិថីក្រុង ត្រង់ចំណុចមុខពេទ្យធ្មេញចេវ សំអាន(ចំណោតរ៉ា) ក្នុងសង្កាត់លេខ៣ ក្រុងព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសមូលដ្ឋានបានឲ្យដឹងថា ភាគីរថយន្ត ម៉ាក COROLLA ពាក់ស្លាកលេខ ព្រះសីហនុ2B-6797 មានទិសដៅពីជើងទៅត្បូង បើកបរដោយបុរសជនជាតិខ្មែរម្នាក់ លុះមកដល់ចំណុចកើតហេតុរថយន្តបានធ្វើការផ្លាស់ប្តូរទិសបត់ត្រឡប់ក្រោយ ក៏ត្រូវបានម៉ូតូ០១គ្រឿង ម៉ាកEXITER គ្មានស្លាកលេខ ទិសដៅស្របគ្នា មកដល់បុកជាមួយនិងរថយន្ត បណ្តាលឲ្យអ្នកបើកបរម៉ូតូស្លាប់ ពេលបញ្ជូនទៅមន្ទីរពេទ្យ។ បើតាមសាច់ញាតិប្រាប់សមត្ថកិច្ចថា ឈ្មោះ ជា ជិ ភេទប្រុស អាយុ២៦ឆ្នាំ ស្នាក់នៅភូមិ៣ សង្កាត់លេខ១ ក្រុងព្រះសីហនុ របួសធ្ងន់ ក្រោយមកបានស្លាប់ ពេលបញ្ជូនទៅសង្គ្រោះនៅមន្ទីរពេទ្យបង្អែកខេត្ត។

ក្រោយកើតហេតុ សមត្ថកិច្ចបានឃាត់ខ្លួនអ្នកបើកបររថយន្តនាំមកសាកសួរឈ្មោះសាវតារ និងយកវត្ថុតាងរថយន្ត និងម៉ូតូមករក្សាទុកនៅការិយាល័យនគរបាលចរាចរណ៍ផ្លូវគោករង់ចាំ ដោះស្រាយបន្តតាមនីតិវិធីច្បាប់៕

អត្ថបទ៖ ឧត្តរ៉ា

Related Topics:គ្រោះថ្នាក់ចរាចរណ៍