ចរាចរណ៍

RANGE ROVER ជ្រុលបុករបាំងបោះចែកទ្រូងផ្លូវដាច់កង់មុខម្ខាង និងរបួសធ្ងន់ម្នាក់

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

រថយន្តស៊េរីទំនើប ម៉ាក RANGE ROVER មួយគ្រឿង បានទទួលរងការខូចខាតយ៉ាងធ្ងន់ធ្ងរ ដោយដាច់កង់មុខ ចំហៀងខាងឆ្វេង ក្រោយពីម្ចាស់របស់វា ដែលគេដឹងថា ជានារីភេទ បានបញ្ជារថយន្តបោះពួយយ៉ាងលឿនទៅរបាំងថ្មពុះចែកទ្រូងផ្លូវ បណ្តាលឲ្យវៀចចេញពីជួរចំនួន៣កង់ និងបានធ្វើឲ្យអ្នករួមដំណើរ ក្នុងរថយន្តម្នាក់រងរបួសធ្ងន់ ហើយក៏ត្រូវបានគេបញ្ជូនទៅសង្គ្រោះនៅមន្ទីរពេទ្យភ្លាមដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង៧ និង០០នាទីយប់ កាលពីថ្ងៃទី១៩ ខែកញ្ញា ឆ្នាំ២០២១ ស្ថិតតាមបណ្តោយផ្លូវលេខ២៨៩ ត្រង់ចំណុចស្តុបកងរាជអាវុធហត្ថលើផ្ទៃប្រទេស ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។

ប្រភពព័ត៌មាន ពីកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញរថយន្តស៊េរីទំនើបមួយគ្រឿង ម៉ាក RANGE ROVER ពណ៌ប្រផេះពាក់ស្លាកលេខ ភ្នំពេញ 2AG-0097 បើកបរដោយនារីម្នាក់ រួមអ្នកដំណើរប្រុសស្រី២នាក់ទៀត បានបើកបររថយន្តនេះ តាមបណ្តោយផ្លូវលេខ២៨៩ ក្នុងទិសដៅពីជើងទៅត្បូង ក្នុងល្បឿនលឿន ដោយខ្វះការប្រុងប្រយ័ត្ន ខណៈមកដល់ចំណុចកើតហេតុ ស្រាប់តែជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្តាលឲ្យវៀចចេញពីជួរចំនួន៣កង់ ចំណែករថយន្តដាច់កង់មុខ ចំហៀងខាងឆ្វេងទៅមុខលែងរួច និងបានធ្វើឲ្យអ្នករួមដំណើរក្នុងរថយន្តម្នាក់រងរបួសធ្ងន់ ហើយក៏ត្រូវបានគេបញ្ជូនទៅសង្គ្រោះនៅមន្ទីឲរពេទ្យភ្លាមដែរ។

ក្រោយពេលកើតហេតុ កម្លាំងសមត្ថកិច្ចមូលដ្ឋាន រួមកម្លាំងសមត្ថកិច្ចជំនាញបានចុះមកដល់ចំណុចកើតហេតុ និងបានធ្វើការវាស់វែងយករថយន្តទៅរក្សាទុកនៅការិយាល័យប៉ូលិសចរាចរណ៍ផ្លូវគោក ដើម្បីរង់ចាំការដោះស្រាយសងទ្រព្យសាធារណៈរបស់រដ្ឋទៅតាមច្បាប់៕

អត្ថបទ៖ ស្រីរ័ត្ន

Related Topics:គ្រោះថ្នាក់ចរាចរណ៍