ចរាចរណ៍

មនុស្ស៨នាក់ បានរងរបួស ខណៈម៉ូតូសណ្តោងរ៉ឺម៉ក បើកបរមិនប្រកាន់ស្តាំ បានបុកជាមួយម៉ូតូកង់បី

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

មនុស្ស៨នាក់ បានរងរបួស ខណៈមានគ្រោះថ្នាក់ចរាចរណ៍មួយបានកើតឡើង ដោយម៉ូតូសណ្តោងរ៉ឺម៉ក បើកបរមិនប្រកាន់ស្តាំ បានបុកជាមួយម៉ូតូកង់បី បណ្តាលឲ្យមនុស្សប្រុសស្រីរងរបួសធ្ងន់ស្រាល នៅស្រុកបាណន់ ខេត្តបាត់ដំបង កាលពីម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ប៉ាន វ៉ាន់នី អធិការនគរបាលស្រុកបាណន់ បានឲ្យដឹងថា ករណីគ្រោះថ្នាក់ចរាចរណ៍នេះ បានកើតឡើងកាលពីយប់ថ្ងៃទី១៩ ខែកញ្ញា ឆ្នាំ២០២១ ត្រង់ចំណុចផ្លូវលេខ៥៧ចន្លោះគីឡូម៉ែត្រលេខ១៧ និងលេខ១៨ ក្នុងក្រុមទី១ ភូមិសំណាញ់ ឃុំភ្នំសំពៅ ស្រុកបាណន់ខេត្តបាត់ដំបង ដែលបង្កឡើងដោយម៉ូតូសណ្តោងរ៉ឺម៉កបើកបរមិនប្រកាន់ស្តាំ ទើបដល់ចំណុចកើតហេតុ បានទៅបុកពេញទំហឹងជាមួយនឹងម៉ូតូកង់បីកែ ឆ្នៃ១គ្រឿងទៀត ដែលកំពុងបើកបរ ក្នុងទិសដៅច្រាស់ទិសគ្នា។

ក្នុងករណីគ្រោះថ្នាក់ចរាចរណ៍ខាងលើនេះ បានបង្កឱ្យទាំងអ្នកបើកបរ និងទាំងអ្នករួមដំណើររងរបួសធ្ងន់ និងស្រាយ ក្នុងនោះរបួសធ្ងន់ចំនួន០៥នាក់ និងស្រាល០៣នាក់។ ចំពោះភាគីខាងម៉ូតូសណ្តោងរ៉ឺម៉ក ពាក់ស្លាកលេខបាត់ដំបង១X.៣២៤៩ បើកបរដោយឈ្មោះ ឈីវ ម៉ាង ប្រុស៤៥ឆ្នាំ ឃុំស្នឹង ស្រុកបាណន់ រងរបួសធ្ងន់ និងអ្នករួមដំណើរ០៤នាក់ទៀត បានរងរបួសធ្ងន់០៣នាក់ និងស្រាល១នាក់។ ចំណែកឯ ភាគីខាងម៉ូតូកង់បីកែច្នៃគ្មានស្លាកលេខ បើកបរដោយឈ្មោះ ឆាយ អួក ភេទប្រុស អាយុ៤៥ឆ្នាំ ស្នាក់នៅក្រោយវត្តពោធិ៍វាល ក្នុងក្រុងបាត់ដំបង រងរបួសធ្ងន់ រីឯអ្នករួមដំណើរ០២នាក់ទៀត រងរបួសស្រាល។

ជនរងគ្រោះ នៅក្នុងហេតុការណ៍ខាងលើភ្លាមៗ ត្រូវបានសមត្ថកិច្ចមូលដ្ឋាននាំយកទៅកាន់មន្ទីរពេទ្យ ដើម្បីសង្គ្រោះចំណែកមធ្យោបាយទាំងសងខាង ខូចខាតយ៉ាងដំណំ និងបានយកទៅរក្សាទុកនៅប៉ុស្តិ៍នគរបាល រង់ចាំដោះស្រាយនៅពេលក្រោយ៕

អត្ថបទ៖ សៅ សារិទ្ធ