ចរាចរណ៍
ម៉ូតូបុកគ្នា ស្លាប់១របួសធ្ងន់១ នៅសង្កាត់ព្រែកឯង
បុរសម្នាក់បានស្លាប់ និងម្នាក់ទៀតរងរបួសធ្ងន់ ខណៈដែលជនរងគ្រោះទាំង២បើកបរម៉ូតូបុកគ្នា កាលពីយប់រំលងអធ្រាតឈនចូលថ្ងៃទី៣១ ខែតុលា ឆ្នាំ២០២១។

យោងតាមសេចក្តីរាយការណ៍ពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍បានប្រាប់កម្ពុជាថ្មីថា នៅម៉ោង២រំលងអធ្រាតឈានចូលថ្ងៃទី៣១ ខែតុលា មានករណីគ្រោះថ្នាក់ចរាចរណ៍មួយកើតឡើង នៅតាមបណ្តោយផ្លូវថៃហ្គឹរ៍ស្ថិតក្នុងភូមិចុងព្រែក សង្កាត់ព្រែកឯង ខណ្ឌច្បារអំពៅ រាជធានីភ្នំពេញ រវាងម៉ូតូកែច្នៃនិងម៉ូតូធំមួយគ្រឿង ពាក់ស្លាកលេខ១S០០០៧ ដែលគ្រោះថ្នាក់នេះ បណ្តាលឲ្យភាគីអ្នកបើកបរម៉ូតូកែច្នៃឈ្មោះ ប៉េវ ពៅ ភេទប្រុស អាយុ២៩ឆ្នាំ រស់នៅភូមិចុងព្រែក សង្កាត់ព្រែកឯង ខណ្ឌច្បារអំពៅ បានស្លាប់នៅនឹងកន្លែង ដោយឡែកភាគីបើកបរម៉ូតូធំបានរងរបួសធ្ងន់ ត្រូវបានបញ្ជូនទៅធ្វើការសង្គ្រោះនៅមន្ទីរពេទ្យ។

លោកអធិការរងបានបញ្ជាក់ថាពុំមានសាក្សីណាម្នាក់បានបញ្ជាក់ពីហេតុការណ៍គ្រោះថ្នាក់នេះទេ ព្រោះស្ថិតក្នុងពេលយប់ជ្រៅម្យ៉ាងទៀត ផ្លូវចំណុចកើតហេតុធំហើយស្ងាត់ទៀតផង។
គួរបញ្ជាក់ថា ក្នុងចន្លោះចន្លោះរយៈពេលតែ៥ម៉ោងប៉ុណ្ណោះ នៅតាមបណ្តោយផ្លូវថៃហ្គឺរ៍នេះ មានករណីគ្រោះថ្នាក់ចរាចរណ៍ចំនួន២លើក បណ្តាលឲ្យស្លាប់២នាក់ និងរងរបួសធ្ងន់២នាក់ ដែលគ្រោះថ្នាក់លើកទី១ ស្ថិតនៅលើស្ពានព្រែកសំរោង សង្កាត់ព្រែកថ្មី ខណ្ឌច្បារអំពៅ កាលពីវេលាម៉ោង៩និង៣០នាទីយប់ថ្ងៃទី៣០ ខែតុលា ដែលបង្កឡើងដោយរថយន្តធុនធំបានបុកម៉ូតធូដេ បើកបរដោយក្មេងប្រុសដឹកម្ជូរលក់ បណ្តាលឲ្យក្មេងម្នាក់ស្លាប់និងម្នាក់ទៀតរងរបួសធ្ងន់ហើយរថយន្តបង្កបានបើកគេចបាត់បន្សល់ទុកស្លាកលេខជាប់នឹងកាងរថយន្តនៅចំណុចកើតហេតុ៕
អត្ថបទ៖ នរា

-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២១ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ