ចរាចរណ៍

រថយន្ត LexusRX330 បើកលឿនដូចហោះបុកម៉ូតូ ១ គ្រឿង ស្លាប់មនុស្ស ២ នាក់នៅនឹងកន្លែង

បានផុស

១០ ខែ មុន

នៅ

ថ្ងៃចន្ទ ១៤ មីនា ២០២២

ដោយ

រថយន្តស៊េរីទំនើបម៉ាក់ Lexus ១ គ្រឿង អ្នកបើកទំនងជាស្រវឹងខ្លាំងបើកល្បឿនលឿនដូចហោះនៅពេលយប់ស្រាប់តែបើកទៅបុកម៉ូតូ ១ គ្រឿងជិះគ្នា ២ បណ្តាលឲ្យស្លាប់។ ហេតុការណ៍នេះកើតឡើងនៅម៉ោង ១ និង ៣០ នាទីបៀតភ្លឺថ្ងៃទី ១៤ ខែមីនា ឆ្នាំ ២០២២ នៅក្នុងសង្កាត់បាលិល័យ១ ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលចរាចរណ៍បានឲ្យដឹងថា មុនកើតហេតុនោះមានរថយន្តបង្កស៊េរីទំនើបម៉ាក lexus rx330 ពណ៌ស ពាក់ស្លាកលេខភ្នំពេញ 2AU-1911 បានបើកពីកើតមកលិចក្នុងល្បឿនលឿនទំនងជាស្រវឹងខ្លាំងបើករថយន្តលឿនដូចហោះនៅពេលយប់ លុះបើកមកដល់ចំណុចកើតហេតុ ស្រាប់តែបើកទៅបុកម៉ូតូ ១ គ្រឿងម៉ាក់ហុងដាស៊េរីឆ្នាំ ២០១២ ពណ៌ខ្មៅ គ្មានស្លាកលេខមួយគ្រឿងបើកដោយបុរសម្នាក់ និងអ្នករួមដំណើរម្នាក់មិនស្គាល់អត្តសញ្ញាណបុកពីក្រោយចំពេញមួយទំហឹង បណ្តាលឲ្យស្លាប់ទាំងពីរនាក់នៅនឹងកន្លែងកើតហេតុភ្លាមៗ ហើយជ្រុលទៅបុករថយន្តស៊េរីទំនើបមួយគ្រឿងទៀតម៉ាក់ ford ពណ៌ខ្មៅគ្មានស្លាកលេខបណ្ដាលឱ្យរងការខូចខាតផ្នែកខាងក្រោយយ៉ាងដំណំផងដែរ។

មន្ត្រីនគរបាលចរាចណ៍បានប្រាប់ឲ្យដឹងបន្តទៀតថា ក្រោយពីកើតហេតុហើយរថយន្តបង្កត្រូវបានសមត្ថកិច្ចជំនាញចរាចរណ៍នៃអធិការក្រុងប៉ោយប៉ែត បានធ្វើការវាស់វែងរួចស្ទូចយកទៅរក្សាទុកនៅអធិការក្រុង។ រីឯសពជនរងគ្រោះទាំងពីរនាក់ រង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕