ចរាចរណ៍

មកដឹងលម្អិតពីករណីគ្រោះថ្នាក់ចរាចរណ៍ បណ្ដាលឲ្យអធិការរងខណ្ឌច្បារអំពៅទទួលមរណភាព

បានផុស

៣ years មុន

នៅ

ថ្ងៃសៅរ៍ ១៤ មករា ២០២៣

ដោយ

បន្ទាប់ពីមានការផ្សព្វផ្សាយព័ត៌មានបឋមស្តីពីករណីគ្រោះថ្នាក់ចរាចរណ៍បង្កឲ្យលោកស្រីជាអធិការរងនគរបាលខណ្ឌ ច្បារអំពៅបានទទួលមរណភាពមកគឺជាកំហុសទៅលើអ្នកបើកបររថយន្តដឹកដីដែលខ្ជះខ្ជាយក្នុងការបញ្ជារថយន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពច្បាស់ការបាននិយាយថា នៅវេលាម៉ោង៧ព្រឹកថ្ងៃទី១៤ ខែមករានេះលោកស្រី គង់ គន្ធា អាយុ៣៩ឆ្នាំមុខងារជាអធិការរងនគរបាលខណ្ឌច្បារអំពៅបានបើកបរម៉ូតូម៉ាកស៊ូម័រ អ៊ិចពណ៌សរលាយក្រហម ពាក់ស្លាកលេខ១ GL ៩៤ ៧៥ បានចេញពីបុរីហាយតិចមានទីតាំងស្ថិតក្នុងភូមិចំពុះក្អែកសង្កាត់ព្រែកថ្មីខណ្ឌ ច្បារអំពៅរាជធានីភ្នំពេញដើម្បីចេញទៅធ្វើការលុះលោកស្រីអធិការរងបានចេញមកដល់មុខឃ្លាំងដាក់រថយន្តរបស់បុរីហាយតិចក៏បានវាក់អឺនឹងរ៉ឺម៉កបង្ខំឲ្យលោកស្រីអធិការរងចាប់ហ្វ្រាំងដៃបណ្តាលឲ្យដួលប៉ុន្តែពុំមានគ្រោះថ្នាក់អ្វីឡើយដោយគ្រាន់តែប្រឡាក់សំលៀកបំពាក់បន្តិចបន្តួចប៉ុណ្ណោះហើយអ្នកជិតខាងបានជួយបបោសដីចេញពីសំលៀកបំពាក់រួចនាំគ្នាទៅឈរតាមមុខផ្ទះ។

ចំណែកលោកស្រីអធិការរងបានងើបឈរក្បែរម៉ូតូជាធម្មតាប៉ុន្តែភ្លាមៗនោះក៏មានរថយន្តដឹកដីចង្កូតស្តាំម៉ាកហ៊ឺយ៉ាន់ដាយពណ៌សរពាក់ស្លាកលេខភ្នំពេញ៣ E ១០ ៣២ បានថយក្រោយចេញពីឃ្លាំងរបស់ក្រុមហ៊ុន ហាយតិច ចេញមកផ្លូវស្រាប់មកបុកហើយកិនលោកស្រីអធិការរងដែលកំពុងឈរបណ្តាលឲ្យដួលហើយកិនចំក្បាលស្លាប់ភ្លាមមួយរំពេច។សាក្សីបញ្ជាក់ថានេះជាកំហុសរបស់អ្នកបើកបររថយន្តដឹកដីរបស់ក្រុមហ៊ុនបុរីហាយតិចទាំងស្រុងដែលខ្ជះខ្ជាយក្នុងការបញ្ជារថយន្ត។ចំពោះរថយន្តបង្កត្រូវបាននគរបាលការិយាល័យចរាចរណ៍ជើងគោកនាំយកទៅកាន់ការិយាល័យនិងបន្តស្វែងរកចាប់ខ្លួនអ្នកបើកបររថយន្តបង្កគ្រោះថ្នាក់ចាត់ការតាមផ្លូវច្បាប់ដោយពុំលើកលែងឡើយ៕

អត្ថបទ៖ នរា