CR7 និង Messi បន្តមានឈ្មោះ ក្នុងបេក្ខភាពប្រជែងពាន ១១ នាក់ល្អបំផុតក្នុងលោក

សហព័ន្ធកីឡាបាល់ទាត់អន្តរជាតិ (FIFA) បានប្រកាសឈ្មោះបេក្ខភាពឆ្នើមទាំង ៨៨ នាក់ជាផ្លូវការនៅថ្ងៃ ចន្ទ ទី ៧ ខែ វិច្ឆិកា ឆ្នាំ ២០២៥ ដើម្បីប្រជែងពានកីឡាករជម្រើស​ ១១ នាក់ល្អបំផុតក្នុងពិភពលោករបស់ FIFA សម្រាប់ឆ្នាំ ២០២៥ ខណៈខ្សែប្រយុទ្ធចាស់វស្សា Cristiano Ronaldo និង Lionel Messi នៅតែបន្តមានឈ្មោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេក្ខភាពកីឡាករ ដែលត្រូវបាន FIFA ជ្រើសរើស ដើម្បីប្រកួតប្រជែង គឺសុទ្ធតែជាកីឡាករ ដែលបង្ហាញសមត្ថភាពលេចធ្លោបំផុតជាមួយក្រុម និងជម្រើសជាតិរបស់ពួកគេសម្រាប់ឆ្នាំ ២០២៥។ ពាននេះបានបើកឱ្យអ្នកគាំទ្រទូទាំងពិភពលោក ធ្វើការបោះឆ្នោតកីឡាករ ដែលពួកគេពេញចិត្តចាប់ពីឥឡូវនេះតទៅ រហូតដល់ថ្ងៃទី ២៨ ខែ វិច្ឆិកា ឆ្នាំ ២០២៥។

ទោះបីជាយ៉ាងណា FIFA មិនទាន់បានប្រកាសផ្លូវការនៅឡើយទេ អំពីកាលបរិច្ឆេទពិតប្រាកដ ដើម្បីប្រកាសអ្នកឈ្នះពាននេះ ប៉ុន្តែបើក្រឡេកទៅមើលឆ្នាំមុន គឺការប្រកាសអ្នកឈ្នះ បានធ្វើឡើងនៅថ្ងៃទី ១៧ ខែ ធ្នូ ឆ្នាំ ២០២៤។

ខាងក្រោមនេះ ជាបញ្ជីឈ្មោះកីឡាករតាមតួនាទីនីមួយៗ ដែលត្រូវប្រជែងពានជម្រើស ១១ នាក់ល្អបំផុតក្នុងពិភពលោករបស់ FIFA៖

• អ្នកចាំទី៖

• ខ្សែការពារ៖

• ខ្សែបម្រើ៖

• ខ្សែប្រយុទ្ធ៖

បន្ទាប់ពីប្រកាសបញ្ជីឈ្មោះបេក្ខភាពប្រជែងពានជម្រើស ១១ នាក់ល្អបំផុតក្នុងពិភពលោក សហព័ន្ធកីឡាបាល់ទាត់អន្តរជាតិ (FIFA) ក៏បានប្រកាសឈ្មោះកីឡាករទាំង ១១ នាក់ ដែលត្រូវប្រជែងពានកីឡាករល្អបំផុតរបស់ FIFA ផងដែរ ក្នុងនោះមាន Ousmane Dembele, Achraf Hakimi, Harry Kane, Kylian Mbappe, Nuno Mendes, Cole Palmer, Pedri, Raphinha, Mohamed Salah, Vitinha និង Lamine Yamal៕

អត្ថបទ៖ សេម កុសល