ទីបំផុត រកឃើញក្រុមខ្លាំង៤ឡើងវគ្គពាក់កណ្តាលផ្តាច់ព្រ័ត្រពានស្វាយរៀងខាប់ U15 លើកទី២

ការប្រកួតពានរង្វាន់ ស្វាយរៀងខាប់ យុវជនអាយុក្រោម ១៥ឆ្នាំ លើកទី២ ឆ្នាំ២០២៥ បានរកឃើញក្រុមខ្លាំងចំនួន ៤ ដែលទទួលបានកៅអីឡើងមកកាន់វគ្គពាក់កណ្តាលផ្តាច់ព្រ័ត្រហើយ​ បន្ទាប់ពីបញ្ចប់ការប្រកួតវគ្គ ៨ ក្រុមចុងក្រោយដ៏ស្វិតស្វាញ កាលពីថ្ងៃ អាទិត្យ ទី ១៤ ខែ ធ្នូ ឆ្នាំ ២០២៥។

រម្លឹកអំពីលទ្ធផលក្នុងវគ្គ ៨ ក្រុមចុងក្រោយ ដែលធ្វើឡើងនៅថ្ងៃទី ១៣ និង ១៤ ខែ ធ្នូ នៅទីលានវិទ្យាល័យ ហ៊ុន សែន ស្វាយរំពារ ក្នុងនោះក្រុមយុវជនសាមគ្គី បានយកឈ្នះក្រុម CRS Sport ១-០, ក្រុម ដារ៉ូពិទូ Sport FC បានចាញ់ក្រុម សាលាបឋមសិក្សាជ្រៃធំ ២-៣, ក្រុម ព្រះខ័នរាជស្វាយរៀង U15 បានយកឈ្នះក្រុម ត្នោត FC ៤-០ និងចុងក្រោយក្រោយ ក្រុមគោព្រៃភូមិស្វាយធំ បានយកឈ្នះលើក្រុម សាមគ្គីកីឡា ៣-១។

ដូច្នេះក្រុមខ្លាំង ៤ ក្រុមចុងក្រោយ ដែលឡើងមកកាន់វគ្គពាក់កណ្តាលផ្តាច់ព្រ័ត្រស្វាយរៀងខាប់ យុវជនអាយុក្រោម ១៥ឆ្នាំ លើកទី២ ឆ្នាំ២០២៥ រួមមាន យុវជនសាមគ្គី សាលាបឋមសិក្សាជ្រៃធំ ព្រះខ័នរាជស្វាយរៀង U15 និងក្រុម គោព្រៃភូមិស្វាយធំ៕

អត្ថបទ៖ សេម កុសល