កីឡា

សហព័ន្ធកីឡាទោចក្រយាន បើកការចុះឈ្មោះអ្នកចង់ចូលរួមការប្រកួតព្រឹត្តិការណ៍កីឡាទេសចរណ៍ វប្បធម៌ និងពាណិជ្ជកម្ម

បានផុស

៥ ខែ មុន

នៅ

ថ្ងៃសុក្រ ២៦ ធ្នូ ២០២៥

ដោយ

សហព័ន្ធកីឡាទោចក្រយាន បានប្រកាសដល់សាធារណៈជនពិសេសអ្នកដែលស្រឡាញ់ចូលចិត្តកីឡាប្រណាំងកង់អាចចុះឈ្មោះចូលរួមប្រកួតលើវិញ្ញាសាកង់គួកផ្នែកបុរសទូទៅ (Men Road Bike Open) ថ្ងៃទី១០ ខែមករា ឆ្នាំ២០២៦ នៅឯខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវត្រូវប្រណាំង

នៅខេត្តព្រះសីហនុ នឹងរៀបចំព្រឹត្តិការណ៍កីឡាទេសចរណ៍ វប្បធម៌ និងពាណិជ្ជកម្ម អំឡុងថ្ងៃទី៩ ដល់ ១៣ ខែមករា ឆ្នាំ២០២៥ ខាងមុខនេះ។ ព្រឹត្តិការណ៍នេះធ្វើឡើងក្នុងគោលបំណងផ្សព្វផ្សាយដើម្បីបង្ហាញពិភពលោកថាកម្ពុជាជាព្រះរាជាណាចក្រអច្ឆរិយៈ ផ្តល់ភាពកក់ក្តៅ និងសុវត្ថិភាពដល់មនុស្សគ្រប់គ្នា។ ព្រឹត្តិការណ៍ខាងលើនឹងប្រព្រឹត្តទៅចាប់ពីថ្ងៃទី៩ ដល់ទី១៣ ខែមករា ឆ្នាំ២០២៦ ។

វិញ្ញាសាកង់គួក

ជាមួយគ្នាក្នុងនោះផងដែរដោយទទួលបានកិច្ចសហការរៀបចំព្រឹត្តិការណ៍កីឡាទេសចរណ៍ ដែលមានរដ្ឋបាលខេត្តព្រះសីហនុ និងមន្ទីរទេសចរណ៍ខេត្ត សហព័ន្ធកីឡាទោចក្រយានកម្ពុជា ជម្រាបជូនដល់អ្នកស្នេហាកីឡាទោចក្រយានទាំងអស់មេត្តាជ្រាបថា សហព័ន្ធនឹងរៀបចំការប្រណាំងកង់លើវិញ្ញាសាកង់គួកផ្នែកបុរសទូទៅ (Men Road Bike Open) ចម្ងាយផ្លូវ ៧២គីឡូម៉ែត្រ (ចំនួន ២ជុំក្នុង ១ជុំចម្ងាយ ៣៦គីឡូម៉ែត្រ)។

ការចុះឈ្មោះចូលរួមប្រកួតមិនមានបង់ប្រាក់នោះទេចាប់ពីថ្ងៃនេះរហូតដល់ថ្ងៃទី៨ ខែមករា ឆ្នាំ២០២៦ និងអាចទំនាក់ទំនងសួរព័ត៌មានតាមរយៈលេខទូរសព្ទ-តេលេក្រាម 086 684 015។

ប្រាក់រង្វាន់ជយលាភី៖

-លេខ១ ពាន១ និងប្រាក់រង្វាន់អម ២,០០០,០០០៛

-លេខ២ ពាន១ និងប្រាក់រង្វាន់អម ១,២០០,០០០៛

-លេខ៣ ពាន១ និងប្រាក់រង្វាន់អម ៨០០,០០០៛៕