វៀតណាមដាក់ដំណើរការសាកល្បងនូវប្រព័ន្ធតាមដានផលិតផលកសិកម្ម​

ក្រសួងកសិកម្ម និងបរិស្ថាន​វៀតណាម បាន​ដាក់ឱ្យដំណើរការសាកល្បងនូវប្រព័ន្ធតាមដានផលិតផលកសិកម្មរបស់ប្រទេស​ ដែលជាជំហានដ៏សំខាន់មួយ​ដើម្បីលើកកម្ពស់បម្លាស់ប្តូរឌីជីថលផ្នែក​កសិកម្ម ​កែលម្អតម្លាភាពព័ត៌មាន និង​បង្កើនតម្លៃផលិតផលកសិកម្មវៀតណាមសម្រាប់ទីផ្សារទាំងក្នុង និងក្រៅស្រុក។ នេះបើតាមការចុះផ្សាយរបស់សារព័ត៌មាន Tuoi Tre។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធ​ ដែល​ដាក់​ដំណើរការកាលពីថ្ងៃសុក្រសប្តាហ៍មុននេះ គឺជាវេទិកាឌីជីថលមួយដែល​រចនាឡើងដើម្បីកត់ត្រា គ្រប់គ្រង និងទាញយកព័ត៌មានប្រភពដើមសម្រាប់ផលិតផលកសិកម្ម ព្រៃឈើ និងនេសាទ នៅទូទាំងខ្សែច្រវ៉ាក់ផ្គត់ផ្គង់ទាំងមូល រាប់ចាប់ពីការផលិត និងការកែច្នៃ រហូតដល់ការដឹកជញ្ជូន និងចរាចរណ៍ទីផ្សារ។​

តាមរយៈប្រព័ន្ធនេះ អ្នកប្រើប្រាស់អាចផ្ទៀងផ្ទាត់ព័ត៌មានផលិតផលបានយ៉ាងងាយស្រួល​ប្រកបដោយ​តម្លាភាព ខណៈ​ភ្នាក់ងារគ្រប់គ្រងរដ្ឋ​ទទួល​បាន​នូវឧបករណ៍សម្រាប់ត្រួតពិនិត្យ ស្ថិតិ និងការតាមដានត្រឡប់មកវិញនៅពេលចាំបាច់។

នេះរួមចំណែកដល់ប្រសិទ្ធភាពបទប្បញ្ញត្តិកាន់តែប្រសើរឡើង ការធានាសុវត្ថិភាពចំណីអាហារ និងភាពជឿជាក់កាន់តែខ្លាំង សម្រាប់ផលិតផលកសិកម្មវៀតណាម។

ថ្លែងនៅក្នុងពិធី​បើកដំណើរការ រដ្ឋមន្ត្រីក្រសួងកសិកម្ម និងបរិស្ថាន លោក Tran Duc Thang បានសង្កត់ធ្ងន់ថា ​ចំពេលដែលការប្រកួតប្រជែងកើនឡើងកាន់តែខ្លាំង​ តម្លៃ​ផលិតផលកសិកម្ម​គឺស្ថិតនៅលើសពីបរិមាណទិន្នផល ដោយរួមទាំងគុណភាព តម្លាភាព និង​ការអាចតាមដានបាន។

ការអាចតាមដានបាន មិនត្រឹមតែជាដំណោះស្រាយបច្ចេកវិទ្យាប៉ុណ្ណោះទេ ប៉ុន្តែវាក៏ជាឧបករណ៍គ្រប់គ្រងទំនើបមួយដែលជួយទប់ស្កាត់ការក្លែងបន្លំពាណិជ្ជកម្ម ការក្លែងបន្លំ និងទំនិញក្រោមស្តង់ដារ ខណៈ​លើកកម្ពស់ផលិតកម្មកសិកម្មប្រកបដោយចីរភាព និងមានទំនួលខុសត្រូវ និងបង្កើនតម្លៃផលិតផល៕