ព័ត៌មានអន្ដរជាតិ

សីតុណ្ហភាពឡើងខ្ពស់បំផុតជិត៥០ដឺក្រេនៅអូស្រ្តាលីភាគខាងលិច

បានផុស

៤ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

រលកកម្តៅបច្ចុប្បន្នរបស់ប្រទេសអូស្ត្រាលីភាគខាងលិចកំពុងកើនឡើងខ្ពស់បំបែកកំណត់ត្រា ដោយផ្នែកខ្លះនៃរដ្ឋនោះ សីតុណ្ហភាពហក់ឡើងស្ទើរតែឈានដល់សីតុណ្ហភាព៥០ដឺក្រេ។

សារព័ត៌មាន NineNews ឱ្យដឹងថា ទីក្រុងដាច់ស្រយាលនៃតំបន់ Paraburdoo បានកត់ត្រាសីតុណ្ហភាពអប្បបរមា ៣៥.៨ដឺក្រេ កាលពីព្រឹកម្សិលមិញ ដែលជាកម្រិតខ្ពស់បំផុតមិនធ្លាប់មាននៅក្នុងរដ្ឋ។ នេះបើយោងតាមភ្នាក់ងារវាស់សីតុណ្ហភាព Weatherzone ។

មិនតែប៉ុណ្ណោះ វាក៏ជាសីតុណ្ហភាពអប្បបរមាខ្ពស់បំផុតទីប្រាំ ដែលមិនធ្លាប់មាននៅក្នុងប្រទេសអូស្ត្រាលីផងដែរ។

គួរឱ្យដឹងផងដែរថា សីតុណ្ហភាពខ្ពស់នេះត្រូវបានបន្ត ដោយសារកម្តៅខ្លាំងមួយនៅភាគខាងលិចប្រទេសអូស្ត្រាលី ជាពិសេសបារតកម្តៅឡើងដល់ ៤៩ដឺក្រេ នៅព្រលានយន្តហោះ Onslow នៅឆ្នេរសមុទ្រភាគខាងជើងរបស់រដ្ឋ។

ខណៈនេះ វាមិនមែនជាសីតុណ្ហភាពក្តៅបំផុតមិនធ្លាប់មាននៅក្នុងរដ្ឋ ឬនៅក្នុងប្រទេសអូស្ត្រាលីទេ មានន័យថាអាកាសយានដ្ឋាន Onslow គឺជាកន្លែងក្តៅបំផុតនៅលើផែនដីកាលពីម្សិលមិញ។

ជាក់ស្តែងអាកាសយានដ្ឋាន Onslow កម្តៅរហូតដល់ ១០០ដឺក្រេ ក្តៅជាងកន្លែងណាទាំងអស់នៅលើផែនដីកាលពីម្សិលមិញ។

តែយ៉ាងណា ប្រទេសអូស្ត្រាលីក្តៅខ្លាំង ដោយសារតែទីតាំងរបស់ប្រទេសនេះនៅជិត ខ្សែអេក្វាទ័រ ផ្ទៃវាលខ្សាច់ដ៏ធំ ដែលកម្តៅអាចបក់មកបានយ៉ាងងាយ។ ជាពិសេសខ្វះជួរភ្នំធំៗដែលអនុញ្ញាតឱ្យខ្យល់ក្តៅបកមកដោយសេរី និងទីតាំងប្រទេសនេះនៅក្រោមជួរភ្នំត្រូពិច ដែលនាំមកនូវសម្ពាធខ្ពស់។ ពេលផ្ទៃមេឃស្រឡះ និងមានការបោកបក់ខ្យល់ក្តៅទាំងអស់នេះកាន់តែខ្លាំងឡើង ចំណែកកម្រិតកាំរស្មី UV ខ្ពស់ ពិសេសការប្រែប្រួលអាកាសធាតុនាពេលថ្មីៗនេះ៕

ប្រែសម្រួល៖ ណឺ មិនា