ហ្វីយ៉ាតា បង្ហើបតម្រុយថា ខ្លួននឹងមានដំណឹងល្អជូនអ្នកគាំទ្រក្នុងខែកុម្ភៈ

ម្ចាស់មកុដ Miss Universe Cambodia 2025 អ្នកនាង ថៃ នារីសុជាតា ហៅ ហ្វីយ៉ាតា បានធ្វើឱ្យមហាជនអ្នកគាំទ្រចាប់អារម្មណ៍ជាថ្មីបន្ទាប់ពីសុខៗ ស្រាប់តែតារាស្រីរូបនេះបានបង្ហើបថា ខ្លួននឹងមាន ដំណឹងល្អជូនអ្នកគាំទ្រក្នុងខែ២ខាងមុននេះ ដោយធ្វើឱ្យអ្នកជិតខាង(ផ្ទះលេខ២)កំពុងឆ្លេឆ្លា។

ម្ចាស់មកុដ Miss Universe Cambodia 2025 អ្នកនាង ហ្វីយ៉ាតា កាលពីថ្មីៗកន្លងទៅគឺ ទើបតែត្រឡប់មមពីការប្រកួត Miss Universe លើកទី៧៤ នៅទឹកដីប្រទេសថៃ ។ ទោះបីយ៉ាងណាពេលទំនងបវររូបនេះបាននិងកំពុងត្រៀមខ្លួនដើម្បីចូលរួមប្រកួតកម្មវិធីបវរកញ្ញាណាមួយទៀតហើយទើបបង្ហើបចេតនាបែបនេះ។

តាមរយ:សំណេរដែល ហ្វីយ៉ាតា បង្ហោះរៀបរាប់នៅលើបណ្តាញសង្គមផ្លូវការរបស់ខ្លួនបានបញ្ជាក់ថា “ខ្ញុំ
នឹងមានដំណឹងប្រកាសជូនអ្នកទាំងអស់គ្នាក្នុងខែ២ ខាងមុននេះ ត្រូវចាំថា អ្នកទាំងអស់គ្នាជាកំលាំងនៃជីវិតទាំងមូលនៃខ្ញុំ ខ្ញុំស្រលាញ់អ្នកបំផុតនាងខ្ញុំ ថៃ នារីសុជាតា (FIYATA) MISS UNIVERSE CAMBODIA អរគុណដល់ការស្រលាញ់គាទ្រំរបស់បងប្អូន”។

ដោយឡែក មុនការប្រកាសនេះមួយថ្ងៃគេក៏ឃើញអ្នក នាង ហ្វីយ៉ាតា លើកឡើងខ្លឹមសារថា មិនទាន់ official announcement ថា comeback ផងស្រាប់តែអ្នកជិតខាងគាត់ឆ្លេឆ្លា កើតអី្វ? បើ back អត់មានទៅលួចព្រមព្រៀងជាមួយគេទៀតទេណា។ តាមរយ:អត្ថន័យ ទំនង ហ្វីយ៉ាតា ចង់បង្ហាញថាផ្ទះលេខ២កំពុងតែឆ្លេឆ្លានៅមិនសុខហើយចូលទៅបញ្ចេញមតិច្រណែនអ្នកនាងផងដែរ៕ ដោយ : ចាន់រ៉ា