ក្រសួងវប្បធម៌ ចេញផ្សាយទស្សនាវដ្តីអេឡិកត្រូនិចឆ្នាំ២០២៥ ដែលមានអត្ថបទសំខាន់ៗជាច្រើន

ក្រសួងវប្បធម៌ និងវិចិត្រសិល្បៈ បានប្រកាសពីការចេញផ្សាយទស្សនាវដ្តីអេឡិកត្រូនិចឆ្នាំ២០២៥ ដែលមានអត្ថបទសំខាន់ៗជាច្រើន។

តាមរយៈទំព័រហ្វេសប៊ុកនាថ្ងៃទី២៨ ខែមករា ឆ្នាំ២០២៦ នេះ ក្រសួងវប្បធម៌ និងវិចិត្រសិល្បៈ បានបញ្ជាក់ថា នាយកដ្ឋានសៀវភៅ និងការអាននៃអគ្គនាយកដ្ឋានបច្ចេកទេសវប្បធម៌ បានចេញផ្សាយទស្សនាវដ្តីអេឡិកត្រូនិចឆ្នាំ២០២៥ ដែលមានអត្ថបទជាច្រើនទាក់ទងទៅនឹង អត្ថបទស្រាវជ្រាវ, របាយការណ៍ និងគម្រោងការណ៍, សកម្មភាព និង ព្រឹត្តិការណ៍សំខាន់ៗ និងអក្សរសិល្ប៍ និងកម្សាន្ត។

នៅជំពូកទី១ នៃទស្សនាវដ្តីនេះ និយាយអំពីអត្ថបទស្រាវជ្រាវផ្សេងៗទាក់ទងនឹងសិល្បៈ វប្បធម៌ដូចជា៖ អក្សរសាស្ត្រ ប្រវត្តិសាស្ត្រ ស្ថាបត្យកម្ម គំនូរ ចម្លាំក់ ភ្លេង របាំ ជំនឿ ទំនៀមទម្លាប់ របរចិញ្ចឹមជីវិត ឧបករណ៍ប្រពៃណី ភូមិសាស្ត្រ និងធម្មជាតិ។ល។ ជំពូកទី២ និយាយពីរបាយកាណ៍ផ្សេងៗដែលក្រសួងរៀបចំរួមមាន៖ កិច្ចប្រជុំរបស់ថ្នាក់ដឹកនាំ សន្និបាតបូកសរុបការងារវប្បធម៌ សិក្ខាសាលា វគ្គបណ្តុះបណ្តាល ផែនការសកម្មភាពការងាររបស់ក្រសួង។ល។ កិច្ចសហប្រតិបត្តិការទាំងក្នុងស្រុក និងក្រៅស្រុក។

ចំណែកនៅជំពូកទី៣ រៀបរាប់ពីសកម្មភាពការងាររបស់ក្រសួង និងមន្ទីរដែលបានប្រារព និងអនុវត្ត ដូចជាទិវាវប្បធម៌ជាតិ ការសម្តែងសិល្បៈ ពិព័រណ៌ កំណាយស្រាវជ្រាវ កិច្ចការអភិរក្ស និងគាំពារ(ប្រាសាទ វត្ត ចម្លាក់ គំនូរ រមណីដ្ឋាន ទេសចរណ៍ ធម្មជាតិ វប្បធម៌ ភ្លេង របាំជាដើម)។ នៅជំពូកទី៤ និយាយពីរឿងរ៉ាវផ្សេងៗ ពិសេសរឿងទាក់ទងនឹងសាសនា មានរាមកេរិ៍្ត ជាតក និងសាសស្ត្រាល្បែងជាដើម។

ទស្សនាវដ្តីក្រសួងវប្បធម៌ និងវិចិត្រសិល្បៈ បង្កើតឡើងក្នុងគោលបំណងអប់រំ និងផ្សព្វផ្សាយចំណេះដឹងផ្នែកសិល្បៈ និងវប្បធម៌ដល់មហាជនទូទៅ។ លោកអ្នកអាចចូលទៅអានបានតាមរយៈ Qr.code ខាងក្រោម៕