សេដ្ឋកិច្ច

តម្រូវការអគ្គិសនីនៅកម្ពុជា កើនដល់ជាង ២២ ពាន់លានគីឡូវ៉ាត់ម៉ោង ត្រឹមឆ្នាំ ២០២៥

បានផុស

៤ ខែ មុន

នៅ

ថ្ងៃព្រហស្បតិ៍ ១២ កុម្ភៈ ២០២៦

ដោយ

តម្រូវការប្រើប្រាស់ថាមពលអគ្គិសនីនៅកម្ពុជា បានកើនឡើងដល់ ២២ ៣៦១ លានគីឡូវ៉ាត់ម៉ោង ត្រឹមឆ្នាំ ២០២៥ ខណៈកម្ពុជាបានបង្កើនសមត្ថភាពផលិតជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអាជ្ញាធរអគ្គិសនីកម្ពុជា អានុភាពសរុបបានកើនពី ៤ ៦៤៩ មេហ្កាវ៉ាត់ នៅឆ្នាំ ២០២៣ ដល់ ៥ ១៨៣ មេហ្កាវ៉ាត់ នៅឆ្នាំ ២០២៤ និងកើនឡើងដល់ ៥ ៩៣២ មេហ្កាវ៉ាត់ នៅឆ្នាំ ២០២៥។

ទំហំប្រើប្រាស់បានកើនឡើងពី ១៦ ៨០៤ លាន គីឡូវ៉ាត់ម៉ោងនៅឆ្នាំ ២០២៣ ដល់ ១៩ ៩៧២ លានគីឡូវ៉ាត់ម៉ោង នៅឆ្នាំ ២០២៤ និងកើនដល់ ២២ ៣៦១ លានគីឡូវ៉ាត់ម៉ោង នៅឆ្នាំ ២០២៥។

លោក កែវ រតនៈ រដ្ឋមន្ត្រីក្រសួងរ៉ែ និងថាមពលមានប្រសាសន៍នៅក្នុងសន្និបាត បូកសរុបលទ្ធផលការងារ ឆ្នាំ ២០២៥ និងលើកទិសដៅការងារ ឆ្នាំ ២០២៦ របស់អាជ្ញាធរអគ្គិសនីកម្ពុជា នៅព្រឹកថ្ងៃទី ១២ ខែកុម្ភៈ ឆ្នាំ ២០២៦ថា រាជរដ្ឋាភិបាលបានដាក់ចេញគោលដៅធំៗ មួយចំនួនដោយបង្កើនសមត្ថភាពផ្គត់ផ្គង់ និងបង្កើនការប្រើប្រាស់ថាមពលស្អាត។

លោក កែវ រតនៈ បញ្ជាក់ថា៖ «នៅឆ្នាំ ២០២៣ យើងមានតែ ៤ ៦៤៩ មេហ្កាវ៉ាត់ ប៉ុន្តែនៅឆ្នាំ ២០២៥ យើងឡើងដល់ ៥ ៩៣២ មេហ្កាវ៉ាត់ នេះគឺជាវឌ្ឍនភាព ដែលអាចវាស់ស្ទង់បាន»។

លោករដ្ឋមន្ត្រី បន្ថែមថា ថាមពលស្អាតនៅឆ្នាំ ២០២៣ យើងមានតែ ៥៧% និងបានកើនដល់ជាង ៦៣% នៅឆ្នាំ ២០២៥ ដែលធ្វើឱ្យកម្ពុជាជាប្រទេសទី២ ដែលមានអត្រាថាមពលស្អាតខ្ពស់ជាងគេ។

គិតត្រឹមឆ្នាំ ២០២៥ ការផ្គត់អគ្គិសនីនៅតាមភូមិសម្រេចបានចំនួន ១៤ ៥៧០ ភូមិ ស្មើនឹង ៩៩.១% ត្រូវបានតភ្ជាប់ពីបណ្ដាញជាតិរួចហើយ ខណៈលំនៅឋានខ្នងផ្ទះ ប្រមាណ ៩៦% ក៏ត្រូវបានតភ្ជាប់៕