ព័ត៌មានអន្ដរជាតិ

វៀតណាម នឹងចូលរួមកិច្ចប្រជុំក្រុមប្រឹក្សាសន្តិភាព ក្នុងគោលបំណងធានាសន្តិភាពមជ្ឈិមបូព៌ា

បានផុស

៥ ខែ មុន

នៅ

ថ្ងៃសុក្រ ១៣ កុម្ភៈ ២០២៦

ដោយ

មេដឹកនាំកំពូលរបស់វៀតណាម លោក តូ ឡឹម (To Lam) នឹងធ្វើដំណើរទៅសហរដ្ឋអាមេរិកនៅសប្តាហ៍ក្រោយ ដើម្បីចូលរួមកិច្ចប្រជុំ «ក្រុមប្រឹក្សាសន្តិភាព» រៀបចំដោយប្រធានាធិបតីហសរដ្ឋអាមេរិក លោក ដូណាល់ ត្រាំ។ នេះបើតាមប្រភពពីររាយការណ៍ប្រាប់ AFP នៅថ្ងៃព្រហស្បតិ៍ ទី១២ ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡឹម ក្លាយជាអគ្គលេខាធិការបក្សកុម្មុយនីស្តវៀតណាមក្នុងខែមករា បន្ទាប់ពីបានបើកដំណើរការកំណែទម្រង់ផ្តោតលើកំណើនសេដ្ឋកិច្ចយ៉ាងឆាប់រហ័ស ឬហៅថា «ការផ្លាស់ប្តូរមួយកម្រិតទៀត»។

លើសពីនេះ ក្រសួងការបរទេសវៀតណាមបានប្រកាសកាលពីខែមុនថា លោក ឡឹម ទទួលយកការអញ្ជើញរបស់ លោក ដូណាល់ ត្រាំ ក្នុងការចូលរួមជាមួយក្រុមប្រឹក្សាសន្តិភាព និងក្នុងនាមជារដ្ឋសមាជិកស្ថាបនិក។

គួរឱ្យដឹងថា ក្រុមប្រឹក្សាភិបាលដែលមានលោក ត្រាំ ជាប្រធាន មានបំណងត្រួតពិនិត្យការនិងស្តារឡើងវិញនៅតំបន់ហ្គាហ្សា បន្ទាប់ពីសង្គ្រាមរយៈពេលពីរឆ្នាំ។

កិច្ចប្រជុំលើកដំបូងគ្រោងនឹងប្រព្រឹត្តនៅថ្ងៃទី ១៩ ខែកុម្ភៈ នៅទីក្រុងវ៉ាស៊ីនតោន។

សារព័ត៌មានរដ្ឋបានរាយការណ៍កាលពីខែមុនថា លោក ឡឹម បានលើកឡើងថា លោកបានប្តេជ្ញាចិត្តក្នុងការធ្វើការជាមួយសហរដ្ឋអាមេរិក និងសហគមន៍អន្តរជាតិដើម្បីធ្វើការរួមគ្នាជាវិជ្ជមាន ចំពោះសន្តិភាពមជ្ឈិមបូព៌ា។

គួរបញ្ជាក់ថា វៀតណាមនិងអាមេរិកបច្ចុប្បន្នកំពុងចរចាលើកិច្ចព្រមព្រៀងពាណិជ្ជកម្ម បន្ទាប់ពីក្រុងវ៉ាស៊ីនតោនបានដាក់ពន្ធ ២០ភាគរយលើទំនិញវៀតណាម។

យ៉ាងណា រដ្ឋាភិបាលវៀតណាមមិនទាន់បានបញ្ជាក់ ឬប្រកាសជាសាធារណៈពីការធ្វើដំណើរនេះនៅឡើយទេ វាជាការធ្វើទស្សនកិច្ចលើកដំបូងរបស់ លោក ឡឹម ទៅកាន់សហរដ្ឋអាមេរិកចាប់តាំងពីឆ្នាំ ២០២៤ របស់លោក៕

ប្រែសម្រួល៖ ណឺ មិនា