ព័ត៌មានអន្ដរជាតិ
លោកត្រាំកំណត់ឱសានវាទឲ្យអ៊ីរ៉ង់ដោះស្រាយបញ្ហានុយក្លេអ៊ែរ បើមិនចង់កើតរឿងធំ
ប្រធានាធិបតី ដូណាល់ ត្រាំ បានចេញការព្រមានធ្ងន់ៗទៅកាន់ប្រទេសអ៊ីរ៉ង់ កាលពីថ្ងៃព្រហស្បតិ៍ទី១៩ខែកុម្ភៈឆ្នាំ២០២៦ ដោយកំណត់ឱសានវាទពី ១០ ទៅ ១៥ថ្ងៃ ឲ្យទីក្រុងតេហេរ៉ង់យល់ព្រមលើកិច្ចព្រមព្រៀងនុយក្លេអ៊ែរ បើមិនដូច្នោះទេ «រឿងអាក្រក់ខ្លាំង» នឹងកើតឡើង។
តាមការផ្សាយរបស់ France24 ថ្លែងក្នុងកិច្ចប្រជុំលើកដំបូងនៃ «ក្រុមប្រឹក្សាសន្តិភាព» នៅវ៉ាស៊ីនតោន លោកត្រាំបានបញ្ជាក់ថា ទោះបីជាការចរចាកំពុងទៅមុខដោយរលូន ក៏អាមេរិកអាចនឹងឈានមួយជំហានទៀត បន្ទាប់ពីការវាយប្រហារតាមអាកាសកាលពីខែមិថុនា ដែលលោកអះអាងថាបានបំផ្លាញសមត្ថភាពនុយក្លេអ៊ែររបស់អ៊ីរ៉ង់យ៉ាងដំណំ។ លោកបានសង្កត់ធ្ងន់ថា «ពួកគេមិនអាចមានអាវុធនុយក្លេអ៊ែរបានទេ… អ្នកមិនអាចមានសន្តិភាពនៅមជ្ឈិមបូព៌ាបានឡើយ ប្រសិនបើពួកគេមានអាវុធនុយក្លេអ៊ែរ»។
ជាការឆ្លើយតប ទីក្រុងតេហេរ៉ង់បានផ្ញើលិខិតទៅកាន់អគ្គលេខាធិការអង្គការសហប្រជាជាតិ លោក Antonio Guterres ដោយប្តេជ្ញាថានឹងវាយបកវិញ «យ៉ាងដាច់អហង្ការ និងសមស្រប» ចំពោះរាល់ការឈ្លានពានផ្នែកយោធា។ អ៊ីរ៉ង់បានព្រមានថា មូលដ្ឋានទ័ព និងទ្រព្យសម្បត្តិទាំងអស់របស់អាមេរិកនៅក្នុងតំបន់ នឹងក្លាយជាគោលដៅវាយប្រហារស្របច្បាប់ ហើយអាមេរិកត្រូវទទួលខុសត្រូវទាំងស្រុងចំពោះផលវិបាកដែលមិនអាចគ្រប់គ្រងបានទាំងនេះ។ ការកើនឡើងកម្តៅនេះ កើតឡើងចំពេលដែលអាមេរិកបង្កើនកម្លាំងយោធាយ៉ាងខ្លាំងក្លាក្នុងតំបន់ ខណៈដែលរុស្ស៊ីបានអំពាវនាវឲ្យមានការអត់ធ្មត់ និងបានបញ្ជូននាវាចម្បាំងទៅចូលរួមសមយុទ្ធជើងទឹកជាមួយអ៊ីរ៉ង់ផងដែរ។
ទោះបីជាមានការគំរាមកំហែងក៏ដោយ កិច្ចប្រឹងប្រែងផ្នែកការទូតនៅតែបន្ត ខណៈដែលអ្នកចរចាអ៊ីរ៉ង់ និងអាមេរិកបានព្រមព្រៀងគ្នាលើគោលការណ៍មួយចំនួនកាលពីថ្ងៃអង្គារ ប៉ុន្តែសេតវិមានបានបញ្ជាក់ថា ភាគីទាំងពីរនៅតែមានចំណុចខ្វែងគំនិតគ្នា។ វ៉ាស៊ីនតោនចង់ឲ្យអ៊ីរ៉ង់បោះបង់ការចម្រាញ់អ៊ុយរ៉ាញ៉ូម និងមីស៊ីលបាលិស្ទិកទាំងស្រុង ប៉ុន្តែអ៊ីរ៉ង់បដិសេធការពិភាក្សាលើសពីកម្មវិធីនុយក្លេអ៊ែរ។ ស្របពេលភាពតានតឹងកាន់តែខ្លាំង ប្រទេសមួយចំនួនដូចជាប៉ូឡូញ បានជំរុញឲ្យពលរដ្ឋខ្លួនចាកចេញពីអ៊ីរ៉ង់ជាបន្ទាន់ ខណៈដែលរូបភាពពីផ្កាយរណបបង្ហាញពីការជួសជុលពង្រឹងទីតាំងនុយក្លេអ៊ែររបស់អ៊ីរ៉ង់ និងការត្រៀមលក្ខណៈនៅតាមមូលដ្ឋានទ័ពរបស់អាមេរិកទូទាំងមជ្ឈិមបូព៌ា៕
ប្រែសម្រួល៖ ឈាង
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម២០ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង