Connect with us

កីឡា

Odawara ឡើង​​ឈរ​លេខ ៤ សម្រាប់ Top Scorer ពាន AFC Challenge League

បានផុស

នៅ

ខ្សែ​ការពាររបស់​​ ព្រះ​ខ័ន​រាជ​ស្វាយរៀង Takashi Odawara ស្ថិត​នៅចំណាត់​ថ្នាក់​លេខ ៤ ក្នុង​នាម​ជា​កីឡាករ​រក​បាន​គ្រាប់​បាល់​ច្រើន​ជាង​គេ​បំផុត​ក្នុង​ពាន​រង្វាន់ AFC Challenge League រដូវ​កាល ២០២៥-២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ពេល​ ព្រះ​ខ័ន​រាជ​ស្វាយរៀង ទទួល​បាន​ជ័យជម្នះ ២-១ លើ​ ភ្នំពេញក្រោន ក្នុង​ជើង​ទី​២ វគ្គ ៨ ក្រុម​ចុង​ក្រោយ ពាន​រង្វាន់ AFC Challenge League ខ្សែ​ការពារ​សញ្ជាតិ​ជប៉ុន Takashi Odawara រក​បាន ២ គ្រាប់។

២ គ្រាប់​ខាង​លើនេះ​បន្ថែម​លើ ២ គ្រាប់​​រក​បាន​ក្នុង​សន្សំពិន្ទុ​ក្នុង​ពូល​​គឺ​ Odawara រក​បាន ១ គ្រាប់​នៅ​ពេល ព្រះ​ខ័ន​រាជ​ស្វាយរៀង ឈ្នះ SP Falcons ៣-០ និង ១ គ្រាប់​ទៀត​នៅ​ពេល ព្រះ​ខ័ន​រាជ​ស្វាយរៀង ឈ្នះ Ezra FC ៣-០ ដូច្នេះ Odwara រក​បាន ៤ គ្រាប់ បាន​ឡើង​ទៅ​ឈរ​លេខ ៤ ក្នុង​ចំណោម​កីឡាករ​រក​បាន​គ្រាប់​បាល់​ច្រើន​ជាង​គេ។

ចំណែក​កីឡាករ ៣ នាក់​ទៀត​ដែល​មាន​គ្រាប់​បាល់​ច្រើន​ជាង Odawara គឺ​សុទ្ធ​តែ​ជា​ខ្សែ​ប្រយុទ្ធ។ កីឡាករ Mose Dyer របស់​ភ្នំពេញក្រោន រក​បាន ៧ គ្រាប់ ស្ថិត​នៅ​លេខ ១ ប៉ុន្តែ​ពេល​នេះ ភ្នំពេញក្រោន បាន​ធ្លាក់​ហើយ។

ចំណាត់​ថ្នាក់​លេខ​២ បាន​ទៅ​ខ្សែ​ប្រយុទ្ធ Kwame Peprah របស់​​ ព្រះខ័ន​រាជ​ស្វាយរៀង រក​បាន ៦ គ្រាប់ ហើយ​កំពុង​ក្លាយ​ជា​កីឡាករ​ប្រជែង​ពាន​ស្បែក​ជើង​មាស ដោយសារ​ក្លិប​បាន​បន្ត​ឡើង​ទៅ​កាន់​វគ្គ​ពាក់​កណ្តាល​ផ្តាច់​ព្រ័ត្រ។ ជា​មួយ​គ្នា​នេះ ខ្សែប្រយុទ្ធ Ousam Gai របស់​ក្លិប​ហ្វីលីពីន Manila Digger រក​បាន ៥ គ្រាប់​ក៏​ជា​គូ​ប្រជែង​ស្បែក​ជើង​មាស​ដែរ​ដោយ​ក្រុម​នេះ​ត្រូវ​ជួប​ ព្រះ​ខ័ន​រាជ​ស្វាយរៀង នៅ​វគ្គ​ពាក់​កណ្តាល​ផ្តាច់​ព្រ័ត្រ។

  • កីឡាករ Mose Dyer (ភ្នំពេញក្រោន) រក​បាន ៧​គ្រាប់
  • កីឡាករ Kwame Peprah (ព្រះខ័នរាជ​ស្វាយរៀង) រ​ក​បាន ៦ គ្រាប់
  • កីឡាករ Ousam Gai (Manila Digger) រក​បាន ៥ គ្រាប់
  • កីឡាករ Takashi Odawara (ព្រះខ័នរាជស្វាយរៀង) រក​បាន ៤ គ្រាប់

អត្ថបទ៖ វិរបុត្រ

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម