សេដ្ឋកិច្ច

រាជរដ្ឋាភិបាល បន្តដាក់ចេញវិធានការឧបត្ថម្ភធន និងបញ្ចុះពន្ធអាករផ្សេងៗ ដើម្បីទម្លាក់តម្លៃប្រេង

បានផុស

២ ខែ មុន

នៅ

ថ្ងៃសៅរ៍ ២១ មីនា ២០២៦

ដោយ

រាជរដ្ឋាភិបាលកម្ពុជា បានបន្តដាក់ចេញនូវវិធានការឧបត្ថម្ភធន និងបញ្ចុះពន្ធអាករផ្សេងៗ ដើម្បីទម្លាក់តម្លៃប្រេងឥន្ធនៈសំដៅជួយសម្រួលដល់ជីវភាពរបស់ប្រជាពលរដ្ឋនៅចំពេលដែលតម្លៃប្រេងបានកើនឡើងខ្ពស់ បន្ទាប់ពីផ្ទុះសង្គ្រាមនៅតំបន់មជ្ឈិមបូព៌ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងពាណិជ្ជកម្ម រាជរដ្ឋាភិបាល បន្តបញ្ចុះតម្លៃប្រេងឥន្ធនៈចំនួន ៦,៥សេនដុល្លារ ក្នុងមួយលីត្រ និង១សេនដុល្លារ/លីត្របន្ថែមទៀត ដោយសារតម្លៃប្រេងសាំងអន្តរជាតិកើនឡើងលើសពី ៩០ ដុល្លារ ក្នុងមួយបារ៉ែល និងប្រេងម៉ាស៊ូតកើនលើសពី ១០០ ដុល្លាក្នុងមួយបារ៉ែល។

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសម្រេចបញ្ចុះអាករបន្ថែមលើប្រេងសាំង និងម៉ាស៊ូតមកសូន្យ និងអាករពិសេសលើប្រេងម៉ាសូតពី៤% មកសូន្យ និងបញ្ចុះអាករលើតម្លៃបន្ថែមលើប្រេងសាំង និងប្រេងម៉ាស៊ូតពី ១០% មក ៤% ដោយរាជរដ្ឋាភិបាលទទួលបន្ទុកជំនួស ៦%។

តម្លៃប្រេងសាំងលក់រាយតាមស្ថានីយប្រេងឥន្ធនៈ លក់ចាប់ពីថ្ងៃទី ២០ ខែមីនា រហូតដល់ថ្ងៃជូនដំណឹងបន្ទាប់ លក់ចេញក្នុងតម្លៃ ៥៤០០ រៀល ក្នុងមួយលីត្រ និងប្រេងម៉ាស៊ូតលក់ចេញក្នុងតម្លៃ ៦៧០០ រៀល ក្នុងមួយលីត្រ។

ថ្លៃប្រេងឥន្ធនៈមុនការបញ្ចុះអាករបន្ថែម, អាករពិសេស និងអាករលើតម្លៃបន្ថែម ប្រេងសាំង ៥៦០០ រៀល ក្នុងមួយលីត្រ និងប្រេងម៉ាស៊ូត ៧០០០ រៀល ក្នុងមួយលីត្រ៕