ព័ត៌មានអន្ដរជាតិ
កាសែត Zeteo ៖ អ៊ីស្រាអែលយកលំនាំអំពើប្រល័យពូជសាសន៍នៅហ្គាហ្សា ទៅអនុវត្តនៅលីបង់
ពេលនិយាយពីភាពគ្មានទោសពៃរ៍របស់នរណាម្នាក់ តើវានឹងសម្គាល់អ្វីខ្លះ? សូមក្រឡេកមើលប្រទេសអ៊ីស្រាអែល។ ប្រទេសនេះបានរួចទោសពីការប្រល័យពូជសាសន៍នៅហ្គាហ្សា ហើយពេលនេះពួកគេកំពុងបើកយុទ្ធនាការប្រល័យពូជសាសន៍ស្រដៀងគ្នាមួយទៀតប្រឆាំងនឹងសហគមន៍ស៊ីអ៊ីត (Shiite) ភាគខាងត្បូងប្រទេសលីបង់។
យោងតាមកាសែត Zeteo ផ្សាយថ្ងៃទី៦ ខែមេសា ឆ្នាំ២០២៦ បច្ចុប្បន្នជនស៊ីវិលស៊ីអ៊ីតរាប់រយរាប់ពាន់នាក់កំពុងផ្លាស់ទីលំនៅ ប្រឈមនឹងការទម្លាក់គ្រាប់បែកនិងបង្ខំឱ្យភៀសខ្លួន។ ផ្ទះរបស់ពួកគេត្រូវបានបំផ្លាញ។ ចំណែករដ្ឋមន្ត្រីការពារជាតិអ៊ីស្រាអែលនិយាយថា ជនស៊ីវិលទាំងអស់នោះមិនអាចត្រឡប់មកវិញបានទេ។
អ្នកកាសែតស៊ើបអង្កេតរបស់ Zeteo លើកជាសំណួរថា៖ «តើបញ្ហានៅបស្ចិមប្រទេសឬក្នុងតំបន់ភាគខាងត្បូងនិងសូម្បីតែក្នុងពិភពមូស្លីមនៅឯណា? តើកិច្ចប្រជុំបន្ទាន់និងចំណងជើងព័ត៌មានដែលពោរពេញដោយកំហឹង ធ្វើឡើងដោយក្រុមជ្រុលនិយមយោធាសកម្ម ISIS កំពុងប្រព្រឹត្តអំពើប្រល័យពូជសាសន៍ប្រឆាំងនឹងជនជាតិ Yazidis នៅក្នុងប្រទេសអ៊ីរ៉ាក់និងស៊ីរីនៅឯណា»?
រឿងនេះមិនមែនជារឿងបំផ្លើសទេ! ដំបូងឡើយ អនុសញ្ញាប្រល័យពូជសាសន៍ឆ្នាំ១៩៤៨ កំណត់និយមន័យនៃការប្រល័យពូជសាសន៍ថា៖ «ទង្វើដែលប្រព្រឹត្តដោយចេតនាបំផ្លាញទាំងស្រុង ឬមួយផ្នែកលើក្រុមសាសនា រួមទាំងការសម្លាប់សមាជិកនៃក្រុម វាត្រូវបានរចនាឡើងដើម្បីបំផ្លិចបំផ្លាញរាងកាយទាំងស្រុង ឬផ្នែកណាមួយ»។
បន្ទាប់មកថ្មីៗនេះកាសែត New York Times និង Drop Site News បង្ហាញពីសកម្មភាពកងកម្លាំងអ៊ីស្រាអែលចេញបញ្ជាជម្លៀសប្រជាជនចេញនៅទូទាំងតំបន់ធំៗនៃភាគខាងត្បូងប្រទេសលីបង់ ដោយកំណត់គោលដៅយ៉ាងច្បាស់ទៅលើសហគមន៍ស៊ីអ៊ីត។
បញ្ហានេះបានដាក់ស្លាកជាការសម្អាតជនជាតិភាគតិច ព្រោះប្រជាជនទាំងមូល ហើយក្រុមសាសនាត្រូវបានកំណត់គោលដៅឱ្យមានការផ្លាស់ទីលំនៅ និងសម្លាប់រង្គាលនៅកន្លែងដែលពួកគេរស់នៅ។
វិធីសាស្រ្តបច្ចុប្បន្នរបស់អ៊ីស្រាអែល ចំពោះពួកស៊ីអ៊ីតភាគខាងត្បូងប្រទេសលីបង់គឺជាសមូហភាព ពួកគេមិនរើសកន្លែងទម្លាក់គ្រាប់បែកនិងធ្វើឱ្យស៊ាំនឹងភាពភ័យខ្លាចទេ។
អ្នកនាំពាក្យយោធាអ៊ីស្រាអែលម្នាក់បានប្រាប់វិទ្យុ LBC នៅចក្រភពអង់គ្លេសកាលពីខែមុនថា៖ « ផ្ទះនីមួយៗនៅភាគខាងត្បូងប្រទេសលីបង់ ជាពិសេសផ្ទះរបស់ពួកស៊ីអ៊ីតគឺជាមជ្ឈមណ្ឌលបញ្ជានិងត្រួតពិនិត្យ ដោយមិនផ្តល់ភស្តុតាងអ្វីទាំងអស់»៕
ប្រែសម្រួល៖ ណឺ មិនា
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ