សន្តិសុខសង្គម

នគរបាលកំពុងស្រាវជ្រាវករណីជនជាតិចិនមួយក្រុមប្រតាយប្រតប់គ្នានៅផ្លូវល្បឿនលឿនហើយរត់គេច និងបន្សល់ទុករថយន្ដមួយគ្រឿង

បានផុស

២ ខែ មុន

នៅ

ថ្ងៃអង្គារ ២១ មេសា ២០២៦

ដោយ

កម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តកំពង់ស្ពឺ បាននិងកំពុងស្រាវជ្រាវករណីជនជាតិចិនមួយក្រុមដែលបានប្រតាយប្រតប់គ្នានៅលើផ្លូវល្បឿនលឿន និងរត់គេចខ្លួនបាត់អស់ដោយបន្សល់ទុករថយន្ដមួយគ្រឿងមិនទាន់ដឹងមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺ ករណីនេះបានកើតឡើងកាលពីយប់ថ្ងៃទី១៩ ខែមេសា ឆ្នាំ២០២៦ វេលាម៉ោង២៣និង២៨នាទី នៅមុខបញ្ជរបង់ប្រាក់កំពង់ស្ពឺកើត ភូមិរំលោង ឃុំវល្ល៍ស ស្រុកសំរោងទង ខេត្តកំពង់ស្ពឺ។

របាយការណ៍បញ្ជាក់ថា ករណីនេះរថយន្តម៉ាក TOYOTA ALPHARD ពណ៌ស ឆ្នាំ២០១៥ ពាក់ស្លាកលេខភ្នំពេញ 2BY-8075 អាចមានអ្នកជិះ ៣ ទៅ ៤នាក់ មិនស្គាល់អត្តសញ្ញាណ ក្នុងនោះមានជនជាតិខ្មែរជាអ្នកបើករថយន្ត និងជនជាតិចិនជាអ្នកជិះបាននាំគ្នារត់ចុះពីលើរថយន្ដដោយមិនដឹងមូលហេតុអ្វីប្រាកដ។

តាមការពិនិត្យកាមេរ៉ាសុវត្ថិភាព មុនពេលកើតហេតុរថយន្តនេះបានបើកចេញពីខេត្តព្រះសីហនុ តាមផ្លូវល្បឿនលឿនវេលាម៉ោង ២២និង១៥នាទី មកចេញនៅបញ្ជរបង់ប្រាក់កំពង់ស្ពឺកើត វេលាម៉ោង២៣និង២៣នាទី។ ពេលកំពុងបង់ប្រាក់ មានសកម្មភាព វាយប្រតាយប្រតប់គ្នាពេញក្នុងរថយន្ត រួចរថយន្តបានជិះបុកបារ៉ាសចេញមកឈប់នៅខាងក្រៅ ក៏មានជនជាតិចិនម្នាក់លោតចេញពីក្នុងរថយន្តរត់ទៅបាត់ ហើយមានមនុស្សប្រុស ៣នាក់ទៀតរត់ដេញតាមរក។ មួយសន្ទុះក្រោយមក មនុស្សទាំង ០៣នាក់នោះបានឡើងជិះរថយន្ត TOYOTA ALPHART ពណ៌ខ្មៅ ០១ គ្រឿងទៀត ពាក់ស្លាកលេខ ភ្នំពេញ 2CC-8785 ទៅទិសខាងកើតតាមផ្លូវជាតិលេខ៤បាត់ទៅ។

បច្ចុប្បន្នសមត្ថកិច្ចនគរបាលនៃស្នងការដ្ឋាននគរបាលខេត្ដកំពង់ស្ពឺ បានយករថយន្ត TOYOTA ALPHARD ពណ៌ស ឆ្នាំ២០១៥ស្លាកលេខ ភ្នំពេញ 2BY-8075 មករក្សាទុក និងកំពុងបន្ដស្រាវជ្រាវ៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា