កូវីដ-១៩
នាយឧត្តមសេនីយ៍ ឥត សារ៉ាត់៖ ជម្រុញទីតាំងចាក់វ៉ាក់សាំងឱ្យកៀកប្រជាពលរដ្ឋតំបន់ក្រហម
នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទបានអះអាងថា ក្រុមការងារចាក់វ៉ាក់សាំងនៅតំបន់ក្រហម របស់កងយោធពលខេមរភូមិន្ទ នឹងរុញទីតាំងចាក់វ៉ាក់សាំង ទៅឱ្យកៀកប្រជាពលរដ្ឋបំផុត ដើម្បីកុំឱ្យពួកគាត់ធ្វើដំណើរចេញរហេតរហូត ខុសពីសេចក្ដីសម្រេចរបស់រាជរដ្ឋាភិបាល។
តាមរយៈសាជាសម្លេងនៅក្នុងបណ្តាញតេឡេក្រាម នាយឧត្តមសេនីយ៍ ឥត សារ៉ាត់ បាន លើកឡើងថា នៅក្នុងយុទ្ធនាការចាក់វ៉ាក់សាំងនៅតំបន់ក្រហម ក្នុងខណ្ឌទាំង៤ នៅក្នុងរាជធានីភ្នំពេញនេះ បានសហការជាមួយរដ្ឋបាលរាជធានីភ្នំពេញ ខណ្ឌ សង្កាត់ និងភូមិផងដែរ។ ក្នុងនោះនាយឧត្តមសេនីយ៍បានស្នើឱ្យអាជ្ញាធរផ្ដល់ទូរលេខជាក់លាក់របស់ប្រជាពលរដ្ឋនៅក្នុងភូមិ ក៏ដូចជាក្នុងសង្កាត់នីមួយៗ ដើម្បីធ្វើការធ្វើផែនការចាក់វ៉ាក់សាំង ហើយបានស្នើឱ្យអាជ្ញាធរជម្រាបទៅប្រជាពលរដ្ឋ ដើម្បីចូលរួមចាក់វ៉ាក់សាំងនៅតាមទីតាំង ដែលបានកំណត់។
ទាក់ទងនឹងបញ្ហានេះ នាយឧត្តមសេនីយ៍ ឥត សារ៉ាត់ ក៏បានស្នើសុំសហការពីក្រសួងការងារផងដែរ ដោយសារតែតំបន់ក្រហម ដែលត្រូវចាក់វ៉ាក់សាំងនេះ មានកម្មករប្រមាណជាង៤៥ ម៉ឺននាក់ ដើម្បីឱ្យក្រសួងការងារចូលរួមសហការជាមួយកងយោធពលខេមរភូមិន្ទ នៅក្នុងយុទ្ធនាការចាក់វ៉ាក់សាំងនេះ។
បើតាមនាយឧត្តមសេនីយ៍ ឥត សារ៉ាត់ មកដល់ពេលនេះ ក្រុមការងាររបស់កងយោធពលខេមរៈភូមិន្ទ បានធ្វើមួយជំហានធំហើយ ដូចជាបញ្ហាតួលេខ បញ្ហាទីតាំង និងការអំពាវនាវ ឱ្យប្រជាពលរដ្ឋ ក៏ដូចជាកម្មករ កម្មការី ចូលរួមក្នុងការចាក់វ៉ាក់សាំងនេះ ហើយក៏បានចុះពិនិត្យមើលទីតាំង ដែលត្រូវរៀបចំចាក់វ៉ាក់សាំងនេះផងដែរ ដូចជាទីតាំងសម្រាប់ចាក់ កន្លែងរង់ចាំ និងកន្លែងសង្រ្គោះ ជាដើម។
សូមបញ្ជាក់ថា កាលពីយប់ថ្ងៃទី២៧ ខែមេសា ឆ្នាំ២០២១ សម្តេចតេជោ ហ៊ុន សែន បានចេញបញ្ជាឱ្យគណៈកម្មការចំពោះកិច្ច ចាប់ផ្តើមបើកយុទ្ធនាការចាក់វ៉ាក់សាំងថ្នាក់ជាតិ សម្រាប់ប្រជាពលរដ្ឋនៅរាជធានីភ្នំពេញ និងក្រុងតាខ្មៅ ដោយផ្តើមចេញពីតំបន់ក្រហម ហើយយុទ្ធនាការនេះ សម្តេចបានប្រគល់ភារកិច្ចទៅកងទ័ពជាអ្នកធ្វើ៕
អត្ថបទ៖ កោះកែវ
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល