កីឡា

ក្រុមនារីកម្ពុជា ចេញប្រកួតមិត្តភាពក្រៅប្រទេសលើកដំបូង ជាការបោះជំហានយ៉ាងល្អ

បានផុស

២ ខែ មុន

នៅ

ថ្ងៃព្រហស្បតិ៍ ២៨ ឧសភា ២០២៦

ដោយ

ក្រុមបាល់ទាត់ជម្រើសជាតិនារីកម្ពុជា នឹងចេញប្រកួតមិត្តភាពអន្តរជាតិជាដំបូងនៅក្នុងប្រវត្តិសាស្ត្ររបស់ខ្លួន បន្ទាប់ពីត្រូវបានបង្កើតឡើង និងធ្វើសកម្មភាពជាផ្លូវការកាលពីឆ្នាំ ២០១៨ ដែលមិនធ្លាប់ចេញប្រកួតមិត្តភាពអន្តរជាតិនៅក្រៅប្រទេសសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើប្រៀបធៀបជាមួយក្រុមបុរស ក្រុមនារីកម្ពុជាជាក្រុមថ្មីដែលទើបធ្វើសកម្មភាពប្រមាណមិនទាន់ដល់ ១០ ឆ្នាំផង។ ក្រុមនារីកម្ពុជាភាគច្រើនប្រកួតពានរង្វាន់ផ្លូវការលើឆាកអន្តរជាតិតែម្តង ប៉ុន្តែនៅក្នុងប្រវត្តិសាស្ត្ររបស់ខ្លួនគឺទើបមានការប្រកួតមិត្តភាពអន្តរជាតិ ១ លើកប៉ុណ្ណោះគឺ កាលពីខែមិថុនា ឆ្នាំ ២០២៥ ដែលបានយកឈ្នះក្រុមនារីកោះហ្គាំ ដោយលទ្ធផល ១-០ នៅពហុកីឡដ្ឋានជាតិអូឡាំពិក។

នៅខែមិថុនា ឆ្នាំ ២០២៦ ខាងមុខនេះ ក្រុមនារីកម្ពុជា នឹងចេញទៅក្រៅប្រទេសដើម្បីប្រកួតមិត្តភាពអន្តរជាតិជាលើកដំបូង។ នៅថ្ងៃទី៦ ខែមិថុនា ពួកគេ ត្រូវប្រកួតជាមួយក្រុមម្ចាស់ផ្ទះ សិង្ហបុរី និងថ្ងៃទី៩ ខែមិថុនា ប្រកួតជាមួយម្ចាស់ផ្ទះឥណ្ឌូណេស៊ី។

បើក្រឡេកមើលសមត្ថភាពរបស់ក្រុមនារីសិង្ហបុរី និងក្រុមនារីឥណ្ឌូណេស៊ី មិនសូវជាលើសខ្វះលើក្រុមនារីកម្ពុជាឡើយ។ ក្រុមនារីកម្ពុជា ធ្លាប់ឈ្នះ សិង្ហបុរី ១-០ ក្នុងកីឡាស៊ីហ្គេម ឆ្នាំ ២០២៣ ហើយធ្លាប់ស្មើជាមួយ ក្រុមនារីឥណ្ឌូណេស៊ី ២ លើក និងចាញ់ ១ លើក។

នេះអាចចាត់ទុកជាការបោះជំហានយ៉ាងល្អក្នុងការអភិវឌ្ឍខ្លួនរបស់ក្រុមនារីកម្ពុជាក្នុងការពង្រឹងខ្លួនលើឆាកអន្តរជាតិ ស្របពេលនៅក្នុងស្រុក ក្រុមនារីកម្ពុជាជាច្រើនកំពុងប្រកួតក្នុងលីគបាល់ទាត់នារីកម្ពុជា។ កីឡាការិនីម្នាក់ៗសុទ្ធតែបានកំពុងប្រកួតក្នុងលីគជាប្រចាំ ហើយពេលនេះ ពួកគេ ចេញប្រកួតមិត្តភាពនៅក្រៅប្រទេសទៀតនោះគឺជាការត្រៀមខ្លួនយ៉ាងល្អសម្រាប់ពានរង្វាន់អន្តរជាតិនាពេលខាងមុខមកដល់។

ចំពោះស្ថិតិប្រកួតអន្តរជាតិគិតចាប់តាំងពីឆ្នាំ ២០២៤ មក ក្រុមនារីកម្ពុជា ធ្វើបានល្អគួរឲ្យកត់សំគាល់គឺបានឆ្លងកាត់ចំនួន ១១ ប្រកួតគឺឈ្នះ ៤ ប្រកួត ស្មើ ៣ ប្រកួត និងចាញ់ ៣ ប្រកួត។

ស្ថិតិ ឆ្នាំ ២០២៤