កីឡា

កីឡាករ សូត្រ ប៊ុនធី ប្រសិនបើឪពុកនៅរស់មិនដឹងសប្បាយចិត្តយ៉ាងណាទេឃើញក្លឹបស្អាត

បានផុស

៦ នាទី មុន

នៅ

ថ្ងៃសុក្រ ២៦ មិថុនា ២០២៦

ដោយ

កីឡាករ សូត្រ ប៊ុនធី ថាប្រសិនបើលោកឪពុកនៅរស់នៅមិនដឹងសប្បាយចិត្តយ៉ាងណាទេ បន្ទាប់ពីបច្ចុប្បន្ននេះឃើញក្លឹបហ្វឹកហាត់សមរម្យ និងមានសម្ភារគ្រប់គ្រាប់ដែលវាខុសពីជំនាន់មុនវេទនាខ្លាំងពិសេសខែភ្លៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពក្លឹបបក្សីស្លាបដែក

អ្នកលេងគុនខ្មែរ សូត្រ ប៊ុនធី បានឲ្យដឹងថា ក្លឹបប្រដាល់បក្សីស្លាបដែកជំនាន់មុនមកគឺវេទនាខ្លាំងជួយដីគេហ្វឹកហាត់ និងរើចេញពីកន្លែងមួយទៅកន្លែងមួយ។ សម្ភារហ្វឹកាត់ និងទីកន្លែងហ្វឹកហាត់មិនដែលសមរម្យនោះឡើយ។

ទិដ្ឋភាពក្លឹបបក្សីស្លាបដែក

រៀមច្បងត្រកូល «សូត្រ» រូបនេះបន្ថែមទៀតថា ក្លឹបហ្វឹកហាត់ឥលូវនេះបើទោះជានៅជួលគេយ៉ាងណាក្ដី ប៉ុន្តែមានកំបូលត្រឹមត្រូវ មានស៊ីប មានសម្ភារហ្វឹកហាត់សមល្មម និងមានការរៀបចំបានល្អស្អាតមើលទៅសមរម្យ។ ដូច្នេះប្រសិនបើលោកឪពុកនៅរស់វិញគឺជឿជាក់ថាសប្បាយចិត្តខ្លាំង ព្រោះក្លឹបប្រដាល់នេះជាញើសឈាម និងជាក្ដីស្រឡាញ់របស់លោកជាយូរមកហើយ។

ទិដ្ឋភាពក្លឹបបក្សីស្លាបដែក

បញ្ជាក់ដែរថា បន្ទាប់ពីលោក សួន ប៊ុនសូត្រ បានទទួលមរណៈភាពទៅគឺក្លឹបប្រដាល់បក្សីស្លាបដែកនេះមើលការខុសត្រូវបន្តដោយកីឡាករ សូត្រ ប៊ុនធី។ ក្លឹបប្រដាល់នេះគឺជួលដីគេមួយកន្លែងម្ដុំមុខស្ថានីយទូរទស្សន៍ CTN ក្នុងតម្លៃ ២០០ដុល្លារក្នុងមួយខែ៕