កីឡា

ក្រោយមានសមត្ថភាពរីកចម្រើន និងបច្ចេកទេសកាន់តែល្អសហព័ន្ធហាប់គីដូប្រគល់លិខិតបញ្ជាក់ដល់សិស្សគុនចំនួន ១៤នាក់

បានផុស

១០ វិនាទី មុន

នៅ

ថ្ងៃពុធ ៨ កក្កដា ២០២៦

ដោយ

សហព័ន្ធខ្មែរកីឡាហាប់គីដូ កាលពីល្ងាចថ្ងៃទី៧ ខែកក្កដា ឆ្នាំ២០២៦ នេះបានធ្វើពិធីប្រគល់លិខិតបញ្ជាក់ដល់សិស្សគុនចំនួន ១៤នាក់នៅក្លឹបបឋមសិក្សាបាក់ទូកក្រោយពីមានសមត្ថភាពរីកចម្រើន និងមានបច្ចេកទេសកាន់តែល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពពិធី

លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូបានឲ្យដឹងថា កីឡាករ កីឡាការិនីទាំង ១៤នាក់ដែលទទួលលិខិតបញ្ជាក់នេះគឺបានហ្វឹកហាត់ទៅតាមពេលវេលាត្រឹមត្រូវ និងមានសមត្ថភាពរីកចម្រើន កម្រិតបច្ចេកទេសកាន់ល្អគ្រប់គ្រាន់សមល្មមទទួលបានការលើកទឹកចិត្ត។ ដូច្នេះហើយសហព័ន្ធត្រូវតែលើកទឹកចិត្ត និងធ្វើលិខិតបញ្ជាក់ពីសមត្ថភាព និងការខំប្រឹងប្រែងរបស់សិស្សគុនទាំងនោះ។

លោក គង់ ចាន់ធីណា

ជាមួយគ្នានោះដែរលោកនាយកសាលាបឋមបាក់ទូក បានសម្ដែងនូវមោទកភាព និងកោតសរសើរចំពោះសិស្សៗទាំង ១៤នាក់នេះដែលមានកម្រិតបច្ចេកទេសរីកចម្រើនខ្លាំងហួសពីការគិតរបស់លោក។ សិស្សៗបានបង្ហាញនូវបច្ចេកទសផ្សេងៗដែលបានហាត់រៀននាពេលកន្លងមកបានយ៉ាងល្អបញ្ជាក់ពីភាពរីកចម្រើនរបស់ក្លឹបកីឡាហាប់គីដូសាលាបឋមបាក់ទូកនេះ។ លោកនាយកសាលាក៏បានលើកទឹកចិត្តដល់គុនទាំងអស់បន្តខំប្រឹងប្រែងហ្វឹកហាត់ថែមទៀតដើម្បីបង្ហាញពីសក្ដានុពលក្លឹបបឋមបាក់ទូកលើវិស័យកីឡាហាប់គីដូនេះ និងក្លាយជាធនធានបន្ត និងចូលរួមស្វែងរកនូវមេដាយកម្រិតអន្តរជាតិជូនប្រទេសកម្ពុជានៅថ្ងៃខាងមុខ។

លោក សុខ គឹមសួគ៌

បញ្ជាក់ដែរថា ពិធីប្រគល់លិខិតបញ្ជាក់នេះធ្វើឡើងនៅក្លឹបកីឡាហាប់គីដូសាលាបឋមបាក់ទូកដោយមានការអញ្ជើញចូលរួមពីលោក គង់ ចាន់ធីណា អគ្គលេខាធិការសហព័ន្ធ គ្រូបង្វឹក និងលោក សុខ គឹមសួគ៌ នាយកសាលាបឋមសិក្សាបាក់ទូក លោកគ្រូ អ្នកគ្រូ រួមទាំងសិស្សានុសិស្សជាច្រើនទៀត។ លិខិតបញ្ជាក់នេះបានផ្ដល់ជូនសិស្សគុនចំនួន ១៤នាក់មានបុរស ៧ និងនារី ៧នាក់៕