ព័ត៌មានអន្ដរជាតិ

លោក ត្រាំ ប្រកាស! MoU ជាមួយអ៊ីរ៉ង់ «រលាយ» ហើយ និងហៅមេដឹកនាំអ៊ីរ៉ង់ ថា «ជំងឺមហារីក»

បានផុស

១១ វិនាទី មុន

នៅ

ថ្ងៃពុធ ៨ កក្កដា ២០២៦

ដោយ

សង្រ្គាមរវាងសហរដ្ឋអាមេរិកចាប់ដៃអ៊ីស្រាអែល ចម្បាំងជាមួយអ៊ីរ៉ង់ជាង ៤ខែ មកនេះ បានផ្ទុះឡើងជាថ្មី ព្រោះភាគីទាំងពីរ តែងសងសឹកគ្នាបន្តបន្ទាប់ ហើយ ប្រធានាធិបតីសហរដ្ឋអាមេរិក លោក ដូណាល់ ត្រាំ លើកឡើងនៅព្រឹកថ្ងៃពុធ ទី៨ ខែកក្កដា ថា អនុស្សរណៈនៃការយោគយល់គ្នា(MOU) ជាមួយអ៊ីរ៉ង់ត្រូវរលាយហើយ បន្ទាប់ពីមានការវាយប្រហារជាបន្តបន្ទាប់នៅទូទាំងតំបន់។ នេះបើយោងតាមការចុះផ្សាយរបស់សារព័ត៌មាន CNN នៅថ្ងៃទី៨ ខែកក្កដា ឆ្នាំ២០២៦ ។

លោក ត្រាំ ថ្លែងក្នុងកិច្ចប្រជុំកំពូលណាតូ នៅទីក្រុងអង់ការ៉ា ថា៖ « វាជាការខ្ជះខ្ជាយពេលវេលា ដែលត្រូវដោះស្រាយជាមួយអ៊ីរ៉ង់»។

ប្រធានាធិបតីអាមេរិក លោក ដូណាល់ ត្រាំ។ រូបភាព៖ Getty Images

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មតិយោបល់ចុងក្រោយរបស់ប្រធានាធិបតីអាមេរិក កើតឡើង បន្ទាប់ពីកងឆ្មាំបដិវត្តន៍អ៊ីរ៉ង់អះអាងថា ខ្លួនបើកការវាយប្រហារលើគោលដៅយោធាអាមេរិកនៅទូទាំងប្រទេសបារ៉ែន និងកូវ៉ែត ដើម្បីឆ្លើយតបទៅនឹងការវាយប្រហារ របស់អាមេរិក។

លោក ត្រាំ ថែមទាំងរិះគន់មេដឹកនាំអ៊ីរ៉ង់ថា ជា «ជំងឺមហារីក និង បិសាច» ហើយលោកក៏បានបញ្ជាក់នូវជំហររបស់សហរដ្ឋអាមេរិកថា ទីក្រុងតេហេរ៉ង់ មិនអាចត្រូវបានអនុញ្ញាតឱ្យអភិវឌ្ឍអាវុធនុយក្លេអ៊ែរទេ។

ថ្លែងពេលចាប់ផ្តើមកិច្ចប្រជុំកំពូលណាតូ នៅប្រទេសតួកគី លោក ត្រាំ បានហៅប្រទេសអ៊ីរ៉ង់ថា « អ្នកលេងដ៏អាក្រក់» សម្រាប់ការកំណត់គោលដៅលើនាវាពាណិជ្ជកម្ម ក្នុងច្រកសមុទ្រ Hormuz ដោយរំលោភលើបទឈប់បាញ់។

លោក ត្រាំ បន្ថែមថា៖ « សហរដ្ឋអាមេរិកកំពុងខ្ជះខ្ជាយពេលវេលានិយាយជាមួយអ៊ីរ៉ង់ ហើយអាមេរិកក៏គ្រោងនឹងប្រើប្រាស់កម្លាំងយោធា ជំនួសឱ្យការព្យាយាមផ្នែកការទូត»។

លោក ត្រាំ សង្កត់ធ្ងន់ថា៖ « យើងត្រូវតែកម្ចាត់ជំងឺមហារីករបស់ពួកគេ គឺជំងឺមហារីករបស់ពួកគេ។ ហើយអ្វីដែលអ្នកគួរតែដឹង គឺយើងត្រូវតែកាត់ដុំសាច់មហារីកឱ្យបានឆាប់ នោះជាអ្វីដែលខ្ញុំចង់សំដៅលើ»៕

សម្រួល៖ ណឺ មិនា