កីឡា

ជើងខ្លាំងការ៉ាតេ សូត ផានិត ឈ្នះរហូតដល់ ៤ប្រកួតទើបទទួលបានមេដាយមាសលើវិញ្ញាសាប្រយុទ្ធនៅវៀតណាម

បានផុស

៣ នាទី មុន

នៅ

ថ្ងៃអង្គារ ១៤ កក្កដា ២០២៦

ដោយ

កីឡាករការ៉ាតេជម្រើសជាតិកម្ពុជា សូត ផានិត ថារូបគេប្រកួតរហូតដល់ទៅ ៤ប្រកួតឯណោះទើបឈ្នះបានមេដាយមាសលើវិញ្ញាសាប្រយុទ្ធក្រោម ៧៥គីឡូក្រាមនៅក្នុងព្រឹត្តិការណ៍ជ្រើសរើសជើងឯកអាស៊ីអាគ្នេយ៍ លើកទី១៣ ឆ្នាំ២០២៦ ប្រទេសវៀតណាម។

កីឡាករ សូត ផានិត

កីឡាករ សូត ផានិត បានលើកឡើងថា រូបគេពិតជារំភើបចំពោះជ័យជម្នះមួយនេះសម្រាប់ជូនប្រទេសកម្ពុជា ប្រជាជនខ្មែរទាំងអស់។ កន្លងមករូបគេមិនធ្លាប់ឈ្នះមេដាយមាសអន្តរជាតិនោះឡើយ ដូច្នេះជាលើកទី១ សម្រាប់ខ្លួនគឺពិតជាមានក្ដីរំភើប និងមានមោទកភាពនៃការខំប្រឹងប្រែងហ្វឹកហាត់នាពេលកន្លងមក។

ជើងខ្លាំងរបស់កម្ពុជាខាងលើបន្ថែមទៀតថា ការប្រកួតលើវិញ្ញាសាក្រោម ៧៥គីឡូក្រាមនេះគឺមាន ៨ប្រទេសចូលរួមប្រកួតប្រែង។ រូបគេត្រូវឆ្លងកាត់ការប្រកួតរហូតដល់ទៅ ៤ប្រកួតទើបអាចឈ្នះមេដាយមាស។ ប្រកួតវគ្គផ្ដាច់ព្រ័ត្រគឺប៉ះកីឡាករហ្វីលីពីន និងបានបន្តយកឈ្នះរហូតទទួលបានមេដាយមាសនេះជូនកម្ពុជាតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សូត ផានិត

និយាយពីបទពិសោធដណ្ដើមបានមេដាយមាសនេះគឺសំខាន់បំផុតនោះការតាំងអារម្មណ៍ឲ្យស្ងប់ផ្ដោតតែលើការប្រកួតតែប៉ុណ្ណោះ និងមិនគិតតែចង់ឈ្នះខ្លាំងពែកវាយដោយបច្ចេកទេសច្បាស់ៗមិនកញ្ជ្រោលពិសេសមិនខ្លាចក្នុងការប្រកួត។

សូត ផានិត និងកីឡាករ៣ប្រទេសជាប់ចំណាត់ថ្នាក់

បញ្ជាក់ដែរថា កីឡាករ សូត ផានិត ឈ្នះមេដាយមាសលើវិញ្ញាសាប្រយុទ្ធក្រោម ៧៥គីឡូក្រាមក្នុងព្រឹត្តិការណ៍ប្រកួតជ្រើសរើសជើងឯកអាស៊ីអាគ្នេយ៍ លើកទី១៣ នៅប្រទេសវៀតណាម។ ការប្រកួតនេះធ្វើឡើងពីថ្ងៃទី៦ ដល់ ១២ ខែកក្កដា ឆ្នាំ២០២៦៕