កីឡា

ពានរង្វាន់ស្វាយរៀងខាប់នារី លើកទី២ រកឃើញក្រុមខ្លាំង ៤ ឡើងវគ្គបន្ត

បានផុស

១៩ នាទី មុន

នៅ

ថ្ងៃព្រហស្បតិ៍ ២៣ កក្កដា ២០២៦

ដោយ

ការប្រកួតកីឡាបាល់ទាត់ពានរង្វាន់ ស្វាយរៀងខាប់នារី លើកទី២ ឆ្នាំ ២០២៦ បានរកឃើញក្រុម ៤ បានឡើងទៅកាន់វគ្គបន្តហើយ បន្ទាប់ពីបញ្ចប់វគ្គវិលជុំសន្សំពិន្ទុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារី សសយក ស្រុករមាសហែក ឈរលេខ១ក្នុងតារាង បន្ទាប់ពីរកបាន ១៦ ពិន្ទុ ពីការឈ្នះ ៥ ប្រកួត និងស្មើ ១ ប្រកួត ដោយមិនចាញ់សោះ។ ជាមួយគ្នានេះ ក្រុមនារីព្រះខ័នរាជស្វាយរៀង អាយុ ១៦ ឆ្នាំ ក៏មិនស្គាល់ពាក្យចាញ់ដែរ បន្ទាប់ពីឈ្នះ ៥ ប្រកួត និងស្មើ ១ ប្រកួត ប៉ុន្តែស្ថិតនៅចំណាត់ថ្នាក់លេខ ២ ក្នុងតារាង ដោយសារចាញ់គ្រាប់បាល់។

ក្រុមនារី CRS Sport ស្ថិតនៅចំណាត់ថ្នាក់លេខ ៣ បន្ទាប់ពីឈ្នះ ៤ និងចាញ់ ២ រកបាន ១២ ពិន្ទុ ហើយលេខ ៤ បានទៅក្រុមនារី សសយក ស្រុកស្វាយទាប ដែលមាន ៩ ពិន្ទុ ពីលទ្ធផលឈ្នះ ៣ ប្រកួត និងចាញ់ ៣ ប្រកួត។

ក្រុមលំដាប់កំពូលទាំង ៤ បានឡើងទៅប្រកួតវគ្គបន្ត ខណៈមានក្រុម ៣ ក្រុមត្រូវធ្លាក់ត្រឹមវគ្គវិលជុំសន្សំពិន្ទុ។

រូបមន្តនៃការប្រកួតវគ្គបន្ត គឺក្រុមលេខ ៤ សសយក ស្រុកស្វាយទាប ត្រូវប្រកួតជាមួយក្រុមលេខ ៣ CRS SPORT ដើម្បីយកក្រុមឈ្នះឡើងទៅប្រកួតជាមួយក្រុមលេខ ២ គឺ ព្រះខ័នរាជស្វាយរៀងអាយុ ១៦ ឆ្នាំ ហើយក្រុមឈ្នះ ត្រូវឡើងទៅប្រកួតវគ្គផ្តាច់ព្រ័ត្រជាមួយក្រុមក្រុមចំណាត់លេខ ១ គឺសសយក ស្រុករមាសហែក ដើម្បីដណ្តើមជើងឯក៕