កីឡា

លោក ប៉ាល់ ជីវ័ន ការហ្វឹកហាត់ត្រៀមខ្លួនលើកនេះមានពេលវេលាតិចជាងកាល ឆ្នាំ២០២៤

បានផុស

៥ នាទី មុន

នៅ

ថ្ងៃព្រហស្បតិ៍ ២៣ កក្កដា ២០២៦

ដោយ

លោក ប៉ាល់ ជីវ័ន គ្រូបង្វឹកជម្រើសជាតិកីឡាតេក្វាន់ដូ ITF កម្ពុជាថា បើនិយាយពីពេលវេលាហ្វឹកហាត់ត្រៀមខ្លួននៅលើកនេះគឺតិចជាងអំឡុងការចេញទៅប្រកួតជើងឯកអាស៊ី លើកទី១០ នៅឯប្រទេសឥណ្ឌា ឆ្នាំ២០២៤ កន្លងទៅនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាល់ ជីវ័ន គ្រូបង្វឹកជម្រើសជាតិ

គ្រូបង្វឹកជម្រើសជាតិកីឡាតេក្វាន់ដូ ITF កម្ពុជា លោក ប៉ាល់ ជីវ័ន បានឲ្យដឹងថា កាលក្រុមជម្រើសជាតិកម្ពុជាចេញទៅប្រកួតជើងឯកអាស៊ី លើកទី១០ អំឡុងឆ្នាំ២០២៤ គឺមានពេលវេលាបានហ្វឹកហាត់យូរជាងឆ្នាំនេះបើប្រៀបធៀបទៅ។

យ៉ាងណានៅលើកនេះមានពេលវេលាតិចជាងមែន ប៉ុន្តែក្រុមជម្រើសជាតិមានការហ្វឹកហាត់ច្រើនម៉ៅង ច្រើនពេលជាងមុនទៅទៀត និងប្រកបដោយទឹកចិត្តមោះមុត។ កម្មវិធីហ្វឹកហាត់លើកនេះគឺច្រើនម៉ោង និងអាចនិយាយថាទ្វេដងទៅទៀត។ ការប្រកួតនៅឥណ្ឌានេះគឺរឹតតែសំខាន់ក្នុងការបន្ដដណ្ដើមមុខមាត់លើឆាកអន្តរជាតិផង និងជាការបង្ហាញសក្កដានុពលទៅដល់សហព័ន្ធអន្តរជាតិដើម្បីទទួលអទិភាព និងមានការគាំទ្រមកលើកម្ពុជាកាន់តែខ្លាំងលើការស្នើសុំសិទ្ធធ្វើជាម្ចាស់ផ្ទះការប្រកួតជើងឯកអាស៊ី លើកទី១២ ឆ្នាំ២០២៨។

ក្រុមតេក្វាន់ដូ ITF

បញ្ជាក់ដែរថា ក្រុមជម្រើសជាតិកីឡាតេក្វាន់ដូ ITF កម្ពុជា នឹងទៅចូលរួមការប្រកួតជ្រើសរើសជើងឯកអាស៊ី លើកទី១១ នៅឯប្រទេសម៉ុងហ្គោលី អំឡុងថ្ងៃទី៣ ដល់ ៩ ខែសីហា ឆ្នាំ២០២៦ ។ តាមការបញ្ជាក់ទៅលើកនេះមិនត្រឹមតែចូលរួមការប្រកួតមួយមុខនោះទេសហព័ន្ធនឹងស្នើសុំធ្វើជាម្ចាស់ផ្ទះក្នុងការប្រកួតជើងឯកអាស៊ី លើកទី១២ ឆ្នាំ២០២៨ ទៀតផង៕

អត្ថបទដោយ៖ នួន ស៊ីណា