កូវីដ-១៩
អបិយជំនឿប្លែកៗទាំង ៣ ដែលប្រជាជនឥណ្ឌាជឿថាអាចកម្ចាត់កូវីដ-១៩
ប្រទេសឥណ្ឌាកំពុងមានការកើនឡើងនូវករណីអ្នកឆ្លងកូវីដ-១៩រាប់ម៉ឺនជារៀងរាល់ថ្ងៃ ខណៈវ៉ាក់សាំងទើបតែចាក់បាន ប្រមាណ១០ភាគរយនៃពលរដ្ឋសរុបប៉ុណ្ណោះ។ ចំណែកអ្នកស្លាប់ដោយសារកូវីដ-១៩ ក៏កើនចំនួនខ្ពស់រាល់ថ្ងៃផងដែរ។ ស្របពេលដែលការព្យាបាលនៅមន្ទីរពេទ្យ កាន់តែចង្អៀតសម្រាប់អ្នកជំងឺ ប្រជាជនឥណ្ឌាមួយចំនួនដែលប្រកាន់អបិយជំនឿងប់ងុល បានងាករកវិធីព្យាបាលតាមបែបសាសនាជំនួសឱ្យខាងវេជ្ជសាស្ត្រ។
ខាងក្រោមជាជំនឿប្លែកៗ ដែលប្រជាជនឥណ្ឌាជឿជាក់ថា អាចបណ្ដេញឬការពារកូវីដ-១៩មិនឱ្យបៀតបៀនពួកគេ៖
១. រកគ្រូមន្តអាគម
វាជារឿងដ៏ហួសចិត្តដែលប្រជាជនឥណ្ឌា នៅតែមានជំនឿជ្រុលទៅលើរឿងបែបនេះ ហើយគិតថា គ្រូទាំងនោះអាចជួយពួកគេឲ្យជាសះស្បើយ។ ប្រជាជនឥណ្ឌាក្នុងតំបន់ដាច់ស្រយាលនៃរដ្ឋ Maharashtra នាំគ្នាសម្រុកទៅរកគ្រូដោះអំពើអាបធ្មប់ ដោយជឿថា នៅពេលគ្រូមន្តអាគមយកដែកក្តៅទៅដុតលើរាងកាយ គឺអាចព្យាបាលជំងឺកូវីដ-១៩បាន។ ផ្ទុយទៅវិញ មិនត្រឹមតែមិនអាចជានោះទេ ពួកគេថែមទាំងត្រូវចូលពេទ្យព្យាបាលរបួសនិងស្លាកស្នាមដែលបានមកពីការដុតដែកវាយលើរាងកាយទៀតផង។
២. យកទឹកអម្រឹតថ្វាយព្រះ
អ្នកភូមិជំនឿងប់ងល់រាប់ពាន់នាក់នៅស្រុក Ahmedabad នៃរដ្ឋ Gujarat ប្រទេសឥណ្ឌា បានប្រមូលផ្តុំគ្នាដើម្បីដង្ហែក្បួនសាសនាមួយ ដោយពួកគេជឿជាក់ថា មេរោគកូវីដ-១៩ នឹងបាត់ខ្លួន ប្រសិនបើទឹកអម្រឹតត្រូវបានចាក់លើប្រាសាទ Bailyadev ថ្វាយដល់ព្រះ។
យ៉ាងណាមិញ ក្រោយមានការប្រមូលផ្ដុំដ៏សន្ធឹកនោះ អាជ្ញាធរមូលដ្ឋានបានចុះបង្រ្កាបក្រុមមនុស្ស ដើម្បីរក្សាគម្លាត កុំឱ្យកើតមានការចម្លងវីរុសក្នុងសហគមន៍។
៣. លាបលាមកនិងទឹកនោមគោ
នៅរដ្ឋ Gujarat ភាគខាងលិចប្រទេសឥណ្ឌា អ្នកមានជំនឿខ្លះបានសម្រុកទៅក្រោលគោ ម្តងក្នុងមួយសប្តាហ៍ ដើម្បីយកលាមកនិងទឹកនោមគោមកប៉ាតលើខ្លួន ដោយសង្ឃឹមថា វានឹងជួយបង្កើនភាពស៊ាំប្រឆាំងនឹងវីរុសកូវីដ-១៩ ឬព្យាបាលពួកគេឲ្យជាសះស្បើយពីជំងឺនេះ។
ដោយសារនៅក្នុងហិណ្ឌូសាសនា សត្វគោគឺជានិមិត្តរូបដ៏ពិសិដ្ឋនៃជីវិតនិងផែនដី ហើយអស់រយៈពេលជាច្រើនសតវត្សរ៍មកនេះ សាសនាហិណ្ឌូបានប្រើលាមកគោដើម្បីសម្អាតផ្ទះនិងសម្រាប់ពិធីសូត្រធម៌ដោយជឿថា វាអាចព្យាបាលនិងសម្លាប់មេរោគបាន។
ទាក់ទិនជំនឿនេះ អ្នកជំនាញសុខភាពអះអាងថា មិនបានជួយព្យាបាលកូវីដនោះទេ ហើយអ្នកដែលនាំគ្នាប៉ាតលាមកនិងទឹកនោមគោទាំងនោះ អាចនឹងឆ្លងមេរោគផ្សេងផងដែរ។
ដោយឡែកអ្នកផ្សេងទៀតពឹងផ្អែកលើការព្យាបាលដោយប្រើឱសថបុរាណ រីឯអ្នកខ្លះបានរត់គេចខ្លួនចេញពីភូមិដោយសារការភ័យខ្លាចខ្មោចបិសាច ដែលពួកគេជឿថា កំពុងធ្វើឲ្យរោគឆ្លងរាលដាលកាន់តែខ្លាំងនិងកាន់តែលឿន៕
អត្ថបទ៖ សន្យា
ចុចអាន៖ មូលហេតុធំៗចំនួន ៥ ដែលធ្វើឱ្យឥណ្ឌាឆ្លងកូវីដ-១៩ធ្ងន់ធ្ងរបំផុត
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម