KPT+
ទម្លាប់រស់នៅពលរដ្ឋជប៉ុនអ៊ីចឹងសោះ ទើបអាយុវែង
យើងប្រហែលធ្លាប់ឮ ធ្លាប់ដឹងហើយ ជប៉ុនស្ថិតក្នុងចំណោមប្រទេសមានអត្រាពលរដ្ឋអាយុវែងជាងគេលើលោក ពិសេសទឹកដីនៃកោះ អូគីណាវ៉ា គឺសម្បូរមនុស្សរស់នៅមានអាយុរហូតដល់លើស ១០០ឆ្នាំ។ ពលរដ្ឋលើកោះនេះ ២/៣ នៅធ្វើការបានដោយខ្លួនឯង ក្នុងវ័យ ៩៧ ឆ្នាំ មានន័យថា អាចនៅផ្ទះផ្ទាល់ខ្លួន ចម្អិនអាហារដោយខ្លួនឯង និងរស់នៅពឹងផ្អែកលើខ្លួនឯងទាំងស្រុង។ អត្ថបទនេះនឹងបង្ហាញទម្លាប់រស់នៅជនជាតិជប៉ុន ដែលជាមូលហេតុពិតជួយឲ្យរស់បានលើស ១០០ ឆ្នាំ។
យោងតាមការស្រាវជ្រាវចុះផ្សាយលើបណ្តាញព័ត៌មាន CNN បានឲ្យដឹងថា ទោះបីជាពលរដ្ឋរស់នៅលើកោះ អូគីណាវ៉ា មិនរត់ហាត់ប្រាណនៅខាងក្រៅ ឬទៅកន្លែងហាត់ប្រាណនានា ក៏ពួកគេភាគច្រើនប្រមូលផ្ដុំគ្នានៅតាមសួនច្បារ ហាត់ថៃជី ជិះកង់ និងលេងកីឡា (Gateball) ជាមួយមិត្តភ័ក្តិ។
ចំណែករបបអាហាររបស់អ្នកកោះអូគីណាវ៉ា គឺជាមេរៀនដ៏មានតម្លៃមួយដែលមនុស្សទូទៅគួរយកគំរូតាម។ ទស្សនវិទ្យាជប៉ុន “Hara Hachi Bu” មានន័យ ឈប់ញ៉ាំ នៅពេលយើងឆ្អែត ៨០ ភាគរយ។ ប្រទេសនេះ ក៏គ្មានវប្បធម៌ “បង្ហើយបាតចាន” នាំឲ្យការញ៉ាំអាហារឆ្អែតពេកនោះដែរ។
ជាមួយគ្នានេះ ទម្លាប់ញ៉ាំអាហារនៅជប៉ុន ត្រូវបានដាក់ក្នុងប្រអប់ មាន ៦ ថតតូចៗ ហើយរបៀបដាក់អាហារក្នុងថតតូចៗច្រើនបែបនេះ ធ្វើឲ្យជនជាតិជប៉ុន ញ៉ាំអាហារក្នុងបរិមាណតិច ប៉ុន្ដែបានច្រើនប្រភេទ។ អ្នកកោះអូគីណាវ៉ា ជាធម្មតា ញ៉ាំផ្លែឈើ និងបន្លែ ៨ មុខខុសៗគ្នា និងអាហារ ១៨ មុខខុសគ្នា ក្នុងមួយថ្ងៃៗ។
ប៉ុន្ដែរបបអាហារនៅលើកោះនេះ ប្រែប្រួលសម្រាប់ពលរដ្ឋជប៉ុនជំនាន់ក្រោយ ដោយភាគច្រើនងាកមករកការញ៉ាំសាច់ និងអាហារមានជីវជាតិខ្លាំង ជំនួសត្រី និងសណ្ដែកសៀង។ ជាងនេះទៅទៀត លើកោះអូគីណាវ៉ា ក៏ជួបបញ្ហាកកស្ទះចរាចរណ៍ជាញឹកញាប់ ដោយមនុស្សជាច្រើន ផ្លាស់ប្ដូរពីការជិះកង់ ទៅជិះឡាន ដែលកត្ដានេះនាំឲ្យមានការបំពុលដល់បរិស្ថានលើកោះ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ចង់រស់ឱ្យបានដល់អាយុ១០០? មានវិធី!
ចុចអាន៖ អ្នកវិទ្យាសាស្ត្របកស្រាយអាថ៌កំបាំងក្នុងការរស់នៅមានសុភមង្គលពេលវ័យចំណាស់
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៧ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ១៧ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី