សុខភាព
ឆ្ងល់ទេ ខែភ្លៀង សីតុណ្ហភាពចុះត្រជាក់ តែសម្បូរអ្នកឈឺច្រើន? នេះមូលហេតុ
ចាប់តាំងចូលដល់ខែវស្សាមក ទឹកភ្លៀងបានធ្លាក់ចុះមកជាបន្ដបន្ទាប់ ប៉ុន្ដែពេលឈានដល់ពិធីបុណ្យភ្ជុំបិណ្ឌ ទឹកភ្លៀងហាក់ធ្លាក់ចុះញឹកញាប់ជាមុនក្នុងមួយថ្ងៃៗ ដោយមានពីបរិមាណតិចទៅច្រើន។ នៅពេលទឹកភ្លៀងធ្លាក់ចុះច្រើន កម្ដៅ និងពន្លឺព្រះអាទិត្យ ក៏ពុំសូវជះមកលើភពផែនដីយើងដែរ ដូច្នេះអាកាសធាតុ ក៏ចុះត្រជាក់ជាមុន ប៉ុន្ដែសម្បូរអ្នកឈឺច្រើន។
វេជ្ជបណ្ឌិត William Schaffner អ្នកជំនាញផ្នែកជំងឺឆ្លង នៅសាកលវិទ្យាល័យ Vanderbilt របស់អាមេរិក បញ្ជាក់ថា នៅរដូវភ្លៀងធ្លាក់ សីតុណ្ហភាពត្រជាក់ដូច្នេះ យើងប្រឈមខ្ពស់កើតជំងឺប្រព័ន្ធដង្ហើម។ លោកថា មានមូលហេតុ ២ ដែលយើងប្រឈមឆ្លងមេរោគប្រព័ន្ធដង្ហើម។
ទី១ ដោយសារនៅរដូវភ្លៀងធ្លាក់ យើងចំណាយពេលច្រើន នៅក្នុងបន្ទប់បិទជិត និងស្ថិតនៅជិតៗគ្នា ដូច្នេះវាងាយបង្កឲ្យឆ្លងមេរោគ នៅពេលយើងមានទំនាក់ទំនងផ្ទាល់ជាមួយគ្នារយៈពេលយូរ។ ទី២ ដោយសារនៅរដូវភ្លៀង សីតុណ្ហភាពធ្លាក់ទាប ដូច្នេះវាជាកត្តាអំណោយផលមួយ សម្រាប់មេរោគ អាចរស់នៅបានកាន់តែយូរ ក្នុងបរិស្ថានដែលអាកាសធាតុត្រជាក់ និងសំណើម។
អ្នកជំនាញបន្ដថា “យើងដឹងថា ជំងឺផ្ដាសាយ បណ្ដាលមកពីវីរុសជាច្រើន ហើយជំងឺរលាកសួត បណ្ដាលមកពីវីរុស ឬបាក់តេរី ដូច្នេះបើយើងឈឺ នោះមានន័យថា យើងរងការប៉ះពាល់វីរុស ឬបាក់តេរី មិនមែនដោយទឹកភ្លៀង ឬអាកាសធាតុទេ”។
ដើម្បីកាត់បន្ថយហានិភ័យ នៃការឆ្លងមេរោគ នៅរដូវភ្លៀង មជ្ឈមណ្ឌលបង្ការ និងគ្រប់គ្រងជំងឺឆ្លងរបស់អាមេរិក ណែនាំឲ្យលាងសម្អាតដៃ ជាមួយសាប៊ូ រយៈពេលយ៉ាងតិច ២០វិនាទី និងចៀសវាងការយកដៃទៅប៉ះជាមួយមុខ ភ្នែក ច្រមុះ ឬមាត់។ មជ្ឈមណ្ឌលដដែលនេះ ក៏ណែនាំឲ្យចៀងវាងរាល់ទំនាក់ទំនងជិតស្និទ្ធិជាមួយ អ្នកដែលកំពុងក្អក និងកណ្ដាស់ និងសម្លាប់មេរោគនៅតាមទីតាំងណា ដែលមានមនុស្សប៉ះពាល់ញឹកញាប់៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ជាការពិតដែលថា អាកាសធាតុត្រជាក់ កាន់តែធ្វើឲ្យវីរុសកូវីដ ងាយឆ្លង?
ចុចអាន៖ ភេសជ្ជៈ ៤ មុខជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវភ្លៀង
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ២ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន