សុខភាព

អាឡ័កស៊ី អាចកាន់តែធ្ងន់ធ្ងរនៅរដូវភ្លៀង ដោះស្រាយបែបណា?

បានផុស

៤ years មុន

នៅ

ថ្ងៃចន្ទ ២៣ ឧសភា ២០២២

ដោយ

ភ្លៀងអាចលាងជម្រះចោលល្អងធូលី ដែលនៅក្នុងខ្យល់អាកាសបានក៏ពិតមែន ប៉ុន្តែក៏អាចបំបែកលំអងធូលីនៅលើដី និងរាលដាលកាន់តែខ្លាំងថែមទៀតដែរ។ គ្រាប់លំអងទាំងនោះអាចប្រេះបែក និងស្ថិតនៅក្នុងខ្យល់មួយរយៈ ហើយវាក៏អាចចូលទៅក្នុងច្រមុះ និងសួតរបស់យើង ដែលជាហេតុបង្កជារោគសញ្ញាអាលែកហ្ស៊ីផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយភ្លៀងយូរប៉ុណ្ណា ទើបរោគសញ្ញាអាលែកហ្ស៊ីកាន់តែធ្ងន់ធ្ងរ?

ជាទូទៅ រោគសញ្ញាអាចនឹងលេចឡើងកាន់តែខ្លាំងរហូតដល់១២ម៉ោង ក្រោយភ្លៀងធ្លាក់ ដោយអាស្រ័យទៅលើលក្ខខណ្ឌខ្យល់។ ចំណែកឯព្យុះក៏អាចបង្កឲ្យមានប្រតិកម្មអាឡ័កស៊ី ដែលអូសបន្លាយជាច្រើនថ្ងៃ ឬច្រើនសប្ដាហ៍។

តើយើងគួរធ្វើយ៉ាងណាំដើម្បីកាត់បន្ថយរោគសញ្ញាអាឡ័កស៊ីក្រោយភ្លៀង?

បិទបង្អួច៖ ដើម្បីរារាំងលម្អងធូលីចូលមកក្នុងផ្ទះ ដែលជាហេតុនាំឲ្យកើតមានបញ្ហាអាឡ័កស៊ី

បើកម៉ាស៊ីនត្រជាក់៖ ម៉ាស៊ីនត្រជាក់អាចជួយច្រោះយកល្អងធូលី ដែលតោងជាប់នៅក្នុងខ្យល់អាកាស និងជួយឲ្យយើងមានអារម្មណ៍ត្រជាក់ស្រួល ដោយមិនចាំបាច់បើកបង្អួច។

នៅក្នុងផ្ទះ អំឡុងពេលភ្លៀង៖ ការជៀសផុតពីព្យុះមានសារសំខាន់ណាស់ ជាពិសេសអំឡុងពេលមានភ្លៀងធ្លាក់ខ្លាំង ពីព្រោះអំឡុងពេលនេះ បំណែកល្អងធូលីអាចនឹងបញ្ចេញភ្លាមៗទៅក្នុងបរិយាកាស។

ប្រើថ្នាំអាលែកហ្ស៊ី៖ គួរប្រើថ្នាំអាលែកហ្ស៊ីទៅតាមវេជ្ជបញ្ជារបស់គ្រូពេទ្យ។

ពាក់ម៉ាសនៅពេលចេញក្រៅ៖ ជាក់ស្ដែង ម៉ាសមិនត្រឹមតែអាចការពារយើងពីវីរុសកូវីដ-១៩នោះទេ វាក៏អាចការពារយើងពីកម្ទេចល្អងនៅក្នុងខ្យល់អាកាសយ៉ាងមានប្រសិទ្ធភាពដូចគ្នា។