ចាស់ៗហាមមិនឱ្យគេងបន្ទប់ ៣ ប្រភេទ​ ពេល​​ស្នាក់​នៅផ្ទះសំណាក់ឬ​សណ្ឋាគារ

កុំគិតថាមិនអី ព្រោះអ្នកគេងតែមួយយប់ពីរយប់ រួចក៏ត្រឡប់ទៅគេហដ្ឋានខ្លួនឯងវិញ។ តាមពិត ទោះស្នាក់នៅរយៈពេលខ្លីក៏ដោយ ចាស់ៗពីដើមត្រណមណាស់ ក្នុងការសម្រាកកន្លែងផ្សេងក្រៅពីផ្ទះ។ នេះក៏ដោយសារ ពួកគាត់ជឿថា ​រើសបន្ទប់គេងមិនត្រូវហុងស៊ុយ យើងអាចជួបរឿងមិនល្អ ឈឺថ្កាត់ ឬខ្មោចសណ្ឋិតជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះ ចៀសបាន គប្បីចៀស បន្ទប់ណាដែលដែលមានលក្ខណៈ ៣ ​យ៉ាងដូចខាងក្រោម៖  

១​-កុំដេកគ្រែដែលបុកចំទ្វារបន្ទប់

បុរាណពោលថា ទ្វារបន្ទប់ទល់មុខចំគ្រែដេក ជាទំនាយគ្រោះអាក្រក់ច្រើនជាងលាភ។ នេះជារឿងអពមង្គលសម្រាប់អ្នកស្នាក់អាស្រ័យគ្រប់រូប ព្រោះវាជាផ្លូវដើររបស់ខ្មោចព្រាយបិសាច។ មិនតែប៉ុណ្ណោះ អ្នកអាចឈឺថ្កាត់ទៀតផង បើមិនដូរបន្ទប់គេងនោះទេ។

វិធីដោះស្រាយ៖ កុំដេកបែរក្បាលទៅមាត់ទ្វារ។

២-កុំដេកគ្រែដែលនៅចំកណ្តាលបន្ទប់

គ្រែដេកនៅចំកណ្តាលបន្ទប់ ជាសញ្ញានៃការបង្កឱ្យមានជំងឺ និងអាចជួបឧបទ្ទវហេតុនានា។ ចាស់ៗហាមមិនឱ្យដេកដាច់ខាត ព្រោះជាបន្ទប់នៃផ្កាយព្រះគ្រោះ អាចនាំទុក្ខទាំងគ្រួសារ។

វិធីដោះស្រាយ៖ ដាក់ក្រណាត់ពណ៌ទឹកមាស ឬពណ៌ប្រាក់មួយផ្ទាំងនៅលើគ្រែ មុនពេលសម្រាក។

៣-កុំរើសយកបន្ទប់ដេកដែលមានទ្វារបែរចំទ្វារជណ្តើរយន្ត

ជំនឿបុរាណមិនឱ្យរើសយកបន្ទប់បែបនេះ ព្រោះកាលបើទ្វារបន្ទប់ដេកនៅទល់មុខចំទ្វារជណ្តើរយន្ត វានឹងឆុងគ្នា ហើយនាំសំណាងទាំងប៉ុន្មានរបស់អ្នកចេញឆ្ងាយ ចំណែករាសីក៏ធ្លាក់ដុនដាបជាលំដាប់។

ពុំមានវិធីដោះគ្រោះនេះទេ យកល្អ​អ្នកគួរប្ដូរបន្ទប់តែម្ដងទៅ!

ប្រែសម្រួល៖ សន្យា

ប្រភព៖ Feng Shui

ចុចអាន៖ ត្រណម ៣ កន្លែងក្នុងផ្ទះ មិនគួរដាក់ធុងសម្រាម ព្រោះអាចជួបតែសំណាងមិនល្អ

ចុចអាន៖ ទិញ​រថយន្តឬម៉ូតូថ្មី ត្រូវគិតតាមរាសីខែទាំង១២​ ទើបអាចបញ្ចៀសគ្រោះឧបទ្រព