ព័ត៌មានអន្ដរជាតិ
ជនល្បី១២០នាក់ជំរុញលោកស្រី Merkel និយាយនឹងលោក បៃដិន ដើម្បីជួយសហស្ថាបនិក WikiLeaks
មនុស្សជាង១០០នាក់ជាអ្នកនយោបាយ អ្នកកាសែត និងអ្នកសិល្បៈបានអំពាវនាវឲ្យលោកស្រីអធិការបតីអាល្លឺម៉ង់តទល់ជាមួយជាលោកប្រធានាធិបតីសហរដ្ឋអាមេរិក ចូ បៃដិន កំឡុងពេលដំណើរទស្សនកិច្ចទៅកាន់សហរដ្ឋអាមេរិកខាងមុខជុំវិញការប៉ុនប៉ងធ្វើបត្យាប័នសហស្ថាបនិកវីគីលីកស៍ លោក Julia Assange ទៅអាមេរិក។
លិខិតមួយច្បាប់ចុះថ្ងៃទី១១ ខែកក្កដា និងបានចុះហត្ថលេខាដោយមនុស្ស១២០នាក់ជាអ្នកនយោបាយ អ្នកកាសែត តារាសិល្បៈ និងអ្នកផ្សេងទៀតបានជំរុញឲ្យលោកស្រីអធិការបតីអាល្លឺម៉ង់ Angela Merkel ហ៊ានលើកឡើងពីសហស្ថាបនិក WikiLeaks លោក Julian Assange ដែលកំពុងជាប់ពន្ធនាគារនៅពេលលោកស្រីត្រូវជួបលោកប្រធានាធិបតី ចូ បៃដិន នៅទីក្រុងវ៉ាស៊ីនតោនចុងខែនេះ។
ក្នុងចំណោមអ្នកអំពាវនាវទៅកាន់លោកស្រី Merkel មុនពេលអ្វីដែលនឹងក្លាយជាជំនួបចុងក្រោយជាមួយមេដឹកនាំអាមេរិកក្នុងនាមជាអធិការបតី មានដូចជាលោក Dietmar Bartsch ប្រធានគណបក្ស Die Linke; លោក Wolfgang Kubicki អនុប្រធាន Bundestag; លោក Serap Guler រដ្ឋមន្ត្រីការបរទេសសម្រាប់សមាហរណកម្មនៃ North Rhine-Westphalia និងសមាជិកសភាគួរឲ្យគោរពពីគ្រប់ផ្នែកនយោបាយ។
ហត្ថលេខីក៏មានទាំងអ្នកសារព័ត៌មាន និងមនុស្សមកពីសង្គមសិល្បៈដូចជាផលិតករភាពយន្ត និងជាអ្នកកាសែតលោក Lutz Hachmeister ជាដើម។
អ្នកនិពន្ធបានលើកឡើងថា ការធ្វើទុក្ខបុកម្នេញលើលោក Julian Assange ជាអ្នកកាសែតគឺជាការវាយប្រហារទៅលើសេរីភាពសារព័ត៌មាន និងសេរីភាពនៃការបញ្ចេញមតិ និងអះអាងថា ត្រូវតែប្រឆាំងដោយមានការប្តេជ្ញាចិត្តគ្រប់យ៉ាង។
លិខិតនេះក៏ផ្តោតសំខាន់លើសុខមាភាពរបស់សហស្ថាបនិក WikiLeaks ដោយសំអាងលើរបាយការណ៍របស់អ្នករាយការណ៍ពិសេសរបស់អង្គការសហប្រជាជាតិ។ លោក Nils Melzer ដែលជាហត្ថលេខីម្នាក់ដែរនោះថា លោក Assange កំពុងបង្ហាញអាការរោគនៃការធ្វើទារុណកម្មផ្លូវចិត្ត និងត្រូវតែត្រូវបានដោះលែងលើមូលដ្ឋានទាំងនេះតែម្យ៉ាង។ យោងតាមគូដណ្តឹងរបស់លោកគឺកញ្ញា Stella Moris ថា ការជាប់ពន្ធនាគារនាំឲ្យកើតមានជំងឺបាក់ទឹកចិត្តដ៏ធ្ងន់ធ្ងរ និងអស់សង្ឃឹម។
ដោយទទួចជាមួយអធិការបតីអាល្លឺម៉ង់ ហត្ថលេខីទាំងអស់បាននិយាយថា លោកស្រី Merkel អាចជួយធានាថា លោក Julian Assange នឹងលែងបន្តនៅក្នុងទីឃុំឃាំងទៀតដែលប៉ះពាល់ដ៏អាក្រក់ដល់សុខភាពរបស់លោក។
ពួកគេលើកឡើងថា ការទទួចរបស់លោកស្រីលើបញ្ហានេះអាចផ្តល់ដំណោះស្រាយមនុស្សធម៌មួយសម្រាប់លោក Julian Assange និងជាដំណោះស្រាយរក្សាមុខមាត់ប្រធានាធិបតីអាមេរិក។
អ្នកនិពន្ធបានអំពាវនាវឲ្យលោកស្រី Merkel គូសបញ្ជាក់ពីការប្តេជ្ញាចិត្តដើម្បីគាំទ្រសេរីភាពសារព័ត៌មានដោយលើកបញ្ហានេះទៅលោកប្រធានាធិបតីអាមេរិកដែលពួកគេអះអាងពីការទទួលខុសត្រូវចុងក្រោយសម្រាប់ការឃុំខ្លួនបន្តរបស់លោក Assange នៅចក្រភពអង់គ្លេសចំពេលដែលមានការទាមទារដើម្បីធ្វើបត្យាប័នយកលោកទៅសហរដ្ឋអាមេរិក។
សូមបញ្ជាក់ថា លោក Assange ត្រូវបានដាក់ពន្ធនាគារនៅ Her Majesty’s Prison Belmarsh ដែលជាកន្លែងមានសន្តិសុខអតិបរមានៅទីក្រុងឡុងដ៍តាំងពីខែមេសា ឆ្នាំ២០១៩ បន្ទាប់ពីរដ្ឋាភិបាលអេក្វាទ័រផ្តល់សិទ្ធិជ្រកកោនដល់លោកឲ្យស្ថិតនៅស្ថានទូតទីក្រុងឡុងដ៍ដែលលោកត្រូវបានគេទុកនៅទីនោះរយៈពេល៧ឆ្នាំ។
រដ្ឋាភិបាលអាមេរិកបានចោទប្រកាន់លោក Assange ពីបទទង្វើចារកម្មដោយចោទពីការបែកធ្លាយព័ត៌មានចំណាត់ថ្នាក់នៅឆ្នាំ២០១០។ ពេលនោះ WikiLeaks បានផ្សាយពីឯកសារពីការរំលោភបំពានពិស្តាររាប់ទាំងឧក្រិដ្ឋកម្មសង្គ្រាម ដែលអាចកើតមានដែលធ្វើឡើងដោយយោធាអាមេរិកនៅអាហ្វហ្គានីស្ថាន និងអ៉ីរ៉ាក់។
បច្ចុប្បន្ននេះ ទីក្រុងវ៉ាស៊ីនតោនកំពុងព្យាយាមធ្វើបត្យាប័នយកទៅអាមេរិក ហើយលោក Assange អាចប្រឈមជាប់ពន្ធនាគារដល់ទៅ១៧៥ឆ្នាំ ប្រសិនបើរកឃើញកំហុស៕
ប្រែសម្រួល៖ វីរបុត្រ
ប្រភព៖ RT
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ