កូវីដ-១៩

ពលរដ្ឋទូទាំងក្រុងសំរោង បានទទួលការចាក់វ៉ាក់សាំងការពារជំងឺកូវីដ-១៩

បានផុស

៥ years មុន

នៅ

ថ្ងៃសុក្រ ១៦ កក្កដា ២០២១

ដោយ

ឧត្តរមានជ័យ ៖ យុទ្ធនាការចាក់វ៉ាក់សាំងជូនប្រជាពលរដ្ឋទូទាំងក្រុងសំរោង ដែលមានំនួន ០៨មណ្ឌលចាក់វ៉ាក់សាំង។ នៅថ្ងៃទី១៦ ខែកក្កដា ឆ្នាំ២០២១ មានប្រជាពលរដ្ឋមកចុះឈ្មោះទទួលវ៉ាក់សាំងចំនួន ១៣,៥៣៩នាក់ ស្រី ៧,១៣៥នាក់ ស្មើនឹង ៣៤.៥១% និងបានផ្តល់វ៉ាក់សាំងជូនប្រជាពលរដ្ឋសរុប ១៣,១២២នាក់ ស្រី ៦,៨៣៨នាក់ ស្មើនឹង ៣៣.៤៥% ធៀបនឹងចំនួនប្រជាពលរដ្ឋត្រូវទទួលវ៉ាក់សាំងសរុបទូទាំងក្រុងសំរោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមរដ្ឋបាលក្រុង សូមថ្លែងអំណរគុណចំពោះកិច្ចខិតខំប្រឹងប្រែង និងការលះបង់ខ្ពស់របស់ក្រុមការងារក្រុង ក្រុមការងារសង្កាត់ ក្រុមការងារចុះជួយក្រុង និងជាពិសេសក្រុមគ្រូពេទ្យស្ម័គ្រចិត្តរបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក្នុងការរុញច្រានឱ្យដំណើរការចាក់វ៉ាក់សាំងប្រព្រឹត្តិទៅបានរលូន និងទទួលបានលទ្ធផលល្អប្រសើរ។

ជាមួយគ្នានេះ សូមប្រជាពលរដ្ឋ មានការយោគយល់ នឹងអធ្យាស្រ័យខ្ពស់ ចំពោះការរង់ចាំ ក្រុមការងារសូមបញ្ជាក់ជូនថា វ៉ាក់សាំងមានគ្រប់គ្រាន់សម្រាប់ប្រជាពលរដ្ឋទូទាំងក្រុង ដែលមានអាយុចាប់ពី ១៨ឆ្នាំឡើងទៅ គ្រាន់តែទទួលបានមុនក្រោយគ្នាបន្តិចតែប៉ុណ្ណោះ។

សូមបងប្អូនមកទទួលវ៉ាក់សាំង ជាមួយការរក្សានូវវិធានសុខាភិបាល ព្យាយាមរក្សាគម្លាត ពាក់ម៉ាស់ នឹងលាងដៃជាមួយអាល់កុលឱ្យបានញឹកញាប់ ក្រុមការងារនឹងសម្របសម្រួលជូនប្រកបដោយការទទួលខុសត្រូវខ្ពស់៕

ដោយ ៖ ចាន់ ធី