ព័ត៌មានជាតិ

សសយក ខេត្តស្វាយរៀង ប្រគល់ម៉ាស និងអាល់កុលមួយចំនួន ជូនដល់សមាគមសម្ព័ន្ធយុវជនវៀតណាមខេត្តតៃនីញ ដើម្បីប្រើប្រាស់ក្នុងការទប់ស្កាត់ការរីករាលដាលនៃជំងឺកូវីដ-១៩

បានផុស

៥ years មុន

នៅ

ថ្ងៃសុក្រ ២៣ កក្កដា ២០២១

ដោយ

ស្វាយរៀង ៖ នៅព្រឹកថ្ងៃសុក្រ ត្រូវនឹងថ្ងៃទី២៣ ខែកក្កដា ឆ្នាំ២០២១ លោក តូច ប៉ូលីវ៉ា អនុប្រធាន សសយក ខេត្តស្វាយរៀង តំណាងលោក ឌី វិជ្ជា ប្រធាន សសយក ខេត្ត បានអញ្ជើញប្រគល់ម៉ាសចំនួន ២៥កេះ ស្មើនឹង ៥០,០០០ម៉ាស់, អាល់កុលចំនួន ២៥កាន ស្មើនឹង ៧៥០លីត្រ ជូនដល់សមាគមសម្ព័ន្ធយុវជនវៀតណាមខេត្តតៃនីញ ដើម្បីប្រើប្រាស់ក្នុងសកម្មភាពការរួមចំណែកទប់ស្កាត់ការរីករាលដាលនៃជំងឺកូវីដ-១៩ នៅក្នុងពិធីនោះផងដែរមានការចូលរួមពីលោក រាណ សុវណ្ណារិទ្ធិ សមាជិកអចិន្ត្រៃយ៍ និងលោក សៅ សុភាព សមាជិកគណៈកម្មាធិការ ខេត្ត លេខាធិការដ្ឋាន សសយក ខេត្ត និងគណៈកម្មាធិការ សសយក ក្រុងបាវិត។

មានប្រសាសន៍នៅក្នុងឱកាសនោះ លោក តូច ប៉ូលីវ៉ា ក៏បានពាំនាំនូវការផ្ដាំផ្ញើសួរសុខទុក្ខពីសំណាក់លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកឌី វិជ្ជា ប្រធាន សសយកខេត្ត ជូនសមាគមសម្ព័ន្ធយុវជនវៀតណាមខេត្តតៃនីញ ដែលកំពុងជួបប្រទះនៃវិបត្តជំងឺកូវីដ១៩។

លោកបន្តថា លើសពីនេះទៅទៀតក្នុងក្របខណ្ឌយុវជន ក៏ដូចជាកិច្ចសហប្រតិបត្តិការ រវាងយុវជនទាំង២ សម្ភារម៉ាសចំនួន ២៥កេះ ស្មើនឹង ៥០,០០០ម៉ាស់, អាល់កុលចំនួន ២៥កាន ស្មើនឹង ៧៥០លីត្រ ទាំងនេះគឺជាការជួយគ្នាទៅវិញទៅមកពេលមានទុកលំបាក ក្នុងគ្រាកំពុងជួបជំងឺកូវីដ-១៩៕

ដោយ ៖ ភក្ដី