អ្នកវិទ្យាសាស្ត្រព្រមាន វីរុសបំប្លែងខ្លួន Delta បង្កគ្រោះថ្នាក់ខ្លាំងចំពោះស្ត្រីមានផ្ទៃពោះ

ក្រុមអ្នកវិទ្យាសាស្ត្រព្រមានថា វីរុសបំប្លែងខ្លួន Delta អាចបង្កហានិភ័យខ្ពស់ដល់ស្ត្រីមានផ្ទៃពោះ និងបានអំពាវនាវដល់ម្តាយកំពុងពពោះទាំងអស់ត្រូវទទួលថ្នាំបង្ការកូវីដ-១៩ឱ្យបានឆាប់បំផុត។

ការស្រាវជ្រាវមកពីសាកលវិទ្យាល័យ Oxford បានបង្ហាញថា ស្ត្រីមានផ្ទៃពោះជាង ៩៩ ភាគរយដែលបានបញ្ជូនទៅមន្ទីរពេទ្យសុទ្ធសឹងតែមិនបានចាក់វ៉ាក់សាំងទាល់តែសោះ។

លោកស្រី Marian Knight ប្រធានផ្នែកស្រាវជ្រាវនិយាយថា ស្ត្រីមានផ្ទៃពោះផ្ទុកកូវីដ -១៩ កំពុងកើនឡើងនៅតាមមន្ទីរពេទ្យ ហើយស្ត្រីទាំងនោះក៏កំពុងរងផលប៉ះពាល់យ៉ាងធ្ងន់ធ្ងរដោយសារវីរុសបំប្លែងខ្លួន Delta ទៀតផង។ ផ្ទុយទៅវិញ ស្ត្រីដែលបានចាក់វ៉ាក់គ្រប់ដូស ប្រឈមគ្រោះថ្នាក់តិចតួច និងមិនមានអ្នកជំងឺច្រើនឡើយត្រូវសម្រាកនៅឯមន្ទីរពេទ្យ។

ការសិក្សាដោយសម្ភពចក្រភពអង់គ្លេស ហៅកាត់ UKOSS បានរកឃើញថា ស្ត្រីមានផ្ទៃពោះជាង ៣៣០០ នាក់ត្រូវបានបញ្ជូនទៅមន្ទីរពេទ្យដោយសារកូវីដ-១៩ ចាប់តាំងពីការចាប់ផ្តើមនៃជំងឺរាតត្បាតដំបូង។ ប៉ុន្តែមកទល់នឹងពេលនេះ ស្ត្រីមានផ្ទៃពោះដែលឆ្លងកូវីដ-១៩ និងវីរុសបំប្លែងខ្លួន Delta បានកើនឡើងលើសមុន ៤៥% ឯណោះ។

ដោយមើលឃើញនូវករណីថ្មីលើស្ត្រីមានផ្ទៃពោះកាន់តែខ្ពស់ឡើង លោកស្រី Marian Knight បានស្នើឱ្យស្ត្រីមានផ្ទៃពោះទទួលចាក់វ៉ាក់សាំងគ្រប់ៗគ្នា ព្រោះវាអាចការពារពួកគេនិងកូនក្នុងផ្ទៃ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ វ៉ាក់សាំងបង្ការកូវីដចំនួន ៤ ប្រភេទ ផ្ដល់សុវត្ថិភាពចំពោះស្ត្រីមានផ្ទៃពោះ

ចុចអាន៖ ហេតុផលមួយចំនួនដែលស្រ្តីមានផ្ទៃពោះ មិនគួរអាក់ខានចាក់វ៉ាក់សាំងកូវីដ-១៩