KPT+
យើងអាចធ្វើបាន! ការវាយបំបែកវីរុសបំប្លែង Delta គឺផ្ដើមចេញពីមនុស្សមិនមើលបំណាំគ្នាទៅមក
គ្មាននរណាម្នាក់អាចយកឈ្នះលើកូវីដឬវីរុសបំប្លែងខ្លួន Delta ដែលកំពុងមានវត្តមាននៅប្រទេសកម្ពុជាបានឡើយ។ បើសិនគ្មានការផ្ដើមចេញពីមនុស្សគ្រប់គ្នា ម្នាក់បន្តិចៗ និងមិនមើលបំណាំគ្នាទៅមក នោះយើងប្រកដជាយកឈ្នះលើវាបានពុំខាន។
ទោះមិនច្រើនតែគ្រប់គ្នាសុទ្ធតែអាចធ្វើទៅបានដោយមិនលំបាក ជាពិសេសគឺក្រុមយុវវ័យ យុវជន នាសម័យ Delta នេះគឺអាចធ្វើនិងបង្ការ ឬកាត់បន្ថយបាន។
ប៉ុន្តែបើសិនយើងគ្រប់គ្នាមើលស្រាល គិតថាមិនអី ហើយមើលបំណាំគ្នា គេចេញទៅក្រៅគ្រប់គ្នាគេមិនអីផង សំខាន់ឲ្យតែពាក់ម៉ាសលាងដៃបាននោះ គឺមិនអាចជួយថែរក្សាខ្លួនឯងនិងមនុស្សជុំវិញបានទេ។ កុំភ្លេចថា ម៉ាសអាចជួយមិនឲ្យវីរុសឆ្លងចូលមកច្រមុះមាត់បានពិតមែន តែបើបុគ្គលនោះធ្វេសប្រហែសទៅកន្លែងដែលហាមឃាត់ពីបម្រាមរបស់ក្រសួងសុខាភិបាល គេនៅតែមានឈ្មោះថាជាជនចែកចាយកូវីដនិងប្រភេទវីរុសបំប្លែងខ្លួនមកគ្រួសារដដែល។
គ្រប់គ្នាមានសិទ្ធរៀងៗខ្លួន ក្នុងការដើរពីកន្លែងមួយទៅកន្លែងមួយ តាមភារកិច្ចឬតួនាទីបានបំពេញ។ ប៉ុន្តែមុននឹងចាកចេញពីផ្ទះឬទៅកន្លែងណាមួយក្រៅពីលំនៅឋានយើង សូមឲ្យនឹកដល់សមាជិកគ្រួសារចាស់ៗកូនក្មួយរបស់យើង។ ជាពិសេសគឺក្រុមនុស្សចាស់មានហានិភ័យ មានជំងឺរ៉ាំរ៉ៃប្រចាំកាយនៅតែផ្ទះសោះ ក៏យើងយករោគមកចម្លងពួកគាត់ដែរ។
កុំធ្វើជាជនចម្លងតែត្រូវធ្វើជាបុគ្គលដែលមោទនភាព និងអស្ចារ្យ នាំភាពរុងរឿងចូលមកឲ្យអ្នកផ្ទះសប្បាយចិត្ត។ សូមអនុវត្ត វិធានការ ៣ការពារ និង៣កុំ ឲ្យបានខ្ជាប់ខ្ជួន ក៏ដូចជាការពារជីវិតអ្នក និងសមាជិកគ្រួសារ។កុំឲ្យមានវិប្បដិសារីដ៏ឈឺចាប់តាមខ្លួន ហើយសុំទោសពួកគេជាក្រោយ។ ដល់ដំណាក់កាលនោះ វាគ្មានន័យអ្វីឡើយ មានតែផ្សែងហុយទ្រលោមចេញពីឈាបនកិច្ចតែប៉ុណ្ណោះ។
ក្នុងន័យនេះ យើងពុំបានប្រមាថជីវិតបុគ្គលណាម្នាក់ឡើយ តែយើងចង់ដាស់សតិអ្នកព្រហើនកាយ មិនខ្លបខ្លាចមេរោគ តាំងខ្លួនជាអ្នកក្លាហានសប្បាយអឺងកង ជុំគ្នាមិនគិតអ្នករស់នៅជាមួយ។
បើសិនជាអ្នកបានឆ្លងឬចម្លងទៅសមាជិកចាស់ៗនិងក្មួយ គ្រួសារអ្នកមិនត្រឹមតែពិបាកនោះទេ។ សូម្បីតែក្រុមគ្រូពេទ្យឬបុគ្គលិកថែទាំសុខភាព ក៏មានការថប់បារម្ភខ្លាំង ទាំងជំងឺធ្លាក់ទឹកចិត្ត បញ្ហានៃការគេងនិងជំងឺស្ត្រេស រួមទាំងកង្វះសម្ភារប្រើប្រាស់ក្នុងវេជ្ជសាស្ត្រមិនគ្រប់ ក្នុងពេលកំពុងប្រយុទ្ធប្រឆាំងនឹងជំងឺរាតត្បាតជាសកលនេះថែមទៀត ៕
អត្ថបទ៖ សាង ស្រីល័ក្ខ
ចុចអាន៖សង្កេតមើលខ្លួន! រោគសញ្ញាកូវីដថ្មីមួយទៀត ទើបលេចចេញនៅ ថៃ បើប្រហែសអាចស្លាប់បាន
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន