ជីវិតកម្សាន្ដ

ទិត្យ សុធារី ប្រកែកមិនទទួលសំណើ ជនិន្ទ្រ អរុណរស្មី ទោះបីមានការឆាតមកអង្វរ

បានផុស

៤ years មុន

នៅ

ថ្ងៃពុធ ២៩ កញ្ញា ២០២១

ដោយ

តារាចម្រៀងស្រី ទិត្យ សុធារី ជាថ្មីម្តងទៀតបានប្រកាសរក្សាជំហររបស់ខ្លួនថា រវាងនាងនិងអតីតគូស្នេហ៍លោក ជនិន្ទ្រ អរុណរស្មី គឺមិនអាចមានថ្ងៃត្រូវគ្នាវិញទេ ទោះបីមានការឆាតអង្វរយ៉ាងណាក្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់ ទិត្យ សុធារី នេះបានធ្វើឡើងក្រោយពេលដែលកំលោះ ជនិន្ទ្រ អរុណរស្មី បានផ្ញើសារទៅនាង តាមរយៈហ្វេសប៊ុកដោយសុំត្រូវគ្នាវិញ។ ប៉ុន្តែសំណើនេះ ត្រូវបានបរាជ័យព្រោះកញ្ញា ទិត្យ សុធារី ឆ្លើយបដិសេធ។ បង្ហោះភ្ជាប់និងសារឆ្លើយឆ្លងខ្លីជាមួយលោក ជនិន្ទ្រ អរុណរស្មី តារាស្រីរូបស្រស់ ទិត្យ សុធារី បាននិយាយថា ខ្ញុំនិយាយត្រង់ជាលើកចុងក្រោយណា ខ្មោច ព្រាយ ឬសត្វខ្លាក៏ខ្ញុំមិនខ្លាចស្មើនឹងខ្លាចមនុស្សម្នាក់នេះដែរ ខ្ញុំពិតជាខ្លាចអ្នកខ្លាំងណាស់។

កញ្ញា ទិត្យ សុធារី បានបន្តថា ឈប់តាមរំខានខ្ញុំទៀតណា ខ្ញុំសូមតែសេចក្តីស្ងប់ស្ងាត់និងសេចក្តីថ្លៃថ្នូររបស់ខ្ញុំទេ ហ៊ាគួរឲ្យខ្លាចណាស់ ហ៊ាៗបងធំប្រចាំនៅខេត្តកំពង់ចាមប្លុកឡើងហត់ហើយ។ សូមបញ្ជាក់ថា កាលពីថ្មីៗកន្លងទៅតារាចម្រៀង ទិត្យ សុធារី បានប្រកាសចែកផ្លូវគ្នាជាមួយលោក ជនិន្ទ្រ អរុណ រស្មី បង្កការភ្ញាក់ ផ្អើលដល់មហាជននឹងអ្នកគាំទ្រ៕

អត្ថបទ៖ ចាន់រ៉ា

Related Topics:តារាចម្រៀង