ព័ត៌មានជាតិ
តុលាការកំពូលតម្កល់ទោសបុរសកូរ៉េខាងត្បូង២នាក់ដាក់ពន្ធនាគារម្នាក់ៗ២ឆ្នាំ រឿងនាំលុយខ្មៅជាង២លានដុល្លារ ចូលមកកម្ពុជា
កាលពីថ្ងៃទី២៩ ខែកញ្ញា ឆ្នាំ២០២១ តុលាការកំពូលបានសម្រេចប្រកាសសាលដីកាតម្កល់ទោសលើជនជាតិកូរ៉េខាងត្បូងចំនួនពីរនាក់ ដាក់ពន្ធនាគារម្នាក់ៗ២ឆ្នាំ ពាក់ព័ន្ធនឹងការដឹកជញ្ជូន និងការនាំចូលលុយចំនួនជាង២លានដុល្លារអាមេរិក ពីបរទេសដោយមិនមានឯកសារ ឬប្រភពព័ត៌មានមិនច្បាស់លាស់ ដែលបានប្រព្រឹត្តនៅព្រលានយន្តហោះអន្តរជាតិខេត្តសៀមរាប កាលពីអំឡុងឆ្នាំ២០១៩។
ជនជាប់ចោទ១.ឈ្មោះ Song Hyunhoo ភេទប្រុសអាយុ ៤៤ឆ្នាំ និង២.ឈ្មោះ Yoon Wongi ភេទប្រុស អាយុ៣៤ឆ្នាំ ត្រូវបានតុលាការកំពូល សម្រេចតម្កល់សាលដីការបស់តុលាការឧទ្ធរណ៍ រក្សាទុកជាបានការដដែល និងតម្កល់ទណ្ឌកម្មរបស់ជនជាប់នៅដដែល។
កាលពីថ្ងៃទី១ ខែតុលា ឆ្នាំ២០២០ កន្លងទៅសាលាដំបូងថ្នាក់ក្រោម បានកាត់ទោសលើជនជាប់ចោទទាំង២នាក់ ដាក់ពន្ធនាគារម្នាក់ៗកំណត់ ២ឆ្នាំ និងពិន័យជាប្រាក់ក្នុងម្នាក់ៗចំនួន៦០លានរៀល សម្រាប់ដាក់ចូលក្នុងថវិការដ្ឋ ក្រោមពីបទ ការសំអាតប្រាក់ និងបានសម្រេចរឹបអូសលុយចំនួន ២,២០០,០០០ ( $ ២, ២លាន) ដុល្លារអាមេរិក ដែលបានដកហូតពីពួកគេ ដាក់ចូលជាសម្បត្តិរដ្ឋ។
ពួកគេទាំងពីរនាក់ ត្រូវបានចាប់ខ្លួនកាលពីថ្ងៃទី៧ ខែកក្កដា ឆ្នាំ២០១៩ នៅចំណុចព្រះលានយន្តហោះអន្តរជាតិសៀមរាប បន្ទាប់ពីពួកគេបានធ្វើដំណើរតាមជើងហោះហើរ ពីទៅក្រុងហុងកុងមកដល់ខេត្តសៀមរាប។
នគរបាលប្រចាំនៅព្រះលានយន្តហោះអន្តរជាតិខេត្តសៀម បានរាបរឹបអូសបានប្រាក់ចំនួន ២,២០០,០០០ដុល្លារអាមេរិក និងលុយបរទេសមួយចំនួនផ្សេងទៀត ដែលមិនមានឯកសារបញ្ជាក់ និងប្រភពព័ត៌មាននៃការនាំចូលប្រាក់ទាំងនោះច្បាស់លាស់៕
អត្ថបទ៖ មករា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ