ជីវិតកម្សាន្ដ

ត្រឹមតែ២ថ្ងៃមច្ចុរាជផ្តាច់យកសង្ខារតារាខ្មែរ២ដួងទៅទាំងអាល័យ

បានផុស

៥ years មុន

នៅ

ថ្ងៃចន្ទ ៤ តុលា ២០២១

ដោយ

មហាជននិងអ្នកគាំទ្រពិតរន្ធត់ក្រោយដឹងថាតារាចាស់ក្មេងរបស់ខ្មែរចំនួនពីររូបបានទទួលមរណភាពបន្តបន្ទាប់គ្នា ពោលគឺត្រឹមតែរយ:ពេលប្រមាណ២ថ្ងៃប៉ុណ្ណោះ។ ចំពោះតារាខ្មែរទាំង២រូបនោះរួមមាន៖

ទី១.តារាចម្រៀងជើងចាស់ម្ចាស់បទ «កម្មករឆ្លងដែន» លោក សែម សង្វាត បានទទួលមរណភាពកាលពីវេលាម៉ោង១២និង១០នាទីរំលងអាធ្រាត្រឈានចូលថ្ងៃទី០១ ខែតុលា ឆ្នាំ២០២១បន្ទាប់ពីលោកបានពុះពារជម្នះជំងប្រចាំកាយអស់ជាច្រើនឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ថា ដំណឹងនៃមរណ:ទុក្ខដ៏សោកសៅ និងក្រៀមក្រំបំផុតសម្រាប់ក្រុមគ្រួសារលោក សែម សង្វាត នេះគឺបានធ្វើឲ្យមហាជននិងអ្នកសិល្ប:ជាច្រើនបានសម្តែងការសោកស្តាយជាពន់ពេកព្រមជាមួយការផ្ញើសារចូលរួមរំលែកទុក្ខនេះផងដែរ។

ទី២.តារាសម្តែងនិងអ្នកនិពន្ធរូបសង្ហាលោក ហង្ស អច្ឆរិយា ក៏បានទទួលមរណភាពហើយកាលពីវេលាម៉ោងប្រមាណ១០ថ្ងៃទី០២ ខែតុលា ឆ្នាំ២០២១ដោយសារជំងឺកូវីដ-១៩។ នេះបើយោងតាមការបញ្ជាក់ពីប្អូនប្រុសរបស់លោកគឺលោក ហង្ស វិទូ។

មិនខុសពីរៀមច្បងលោក សែម សង្វាត នោះទេ តាមរយ:ដំណឹងនៃមរណ:ទុក្ខដ៏សោកសៅនិងក្រៀមក្រំក៏មានមហាជននិងអ្នកសិល្ប:ជាច្រើនបានសម្តែងការសោកស្តាយជាពន់ពេកព្រមជាមួយការផ្ញើសារចូលរួមរំលែកទុក្ខជាមួយក្រុមគ្រួសារផងដែរ៕

អត្ថបទ៖ ចាន់រ៉ា