បាន មុន្នីល័ក្ខ ចេញមកនិយាយចំៗរឿងអ្នកបើកឡានពេទ្យមួយចំនួន ក្រោយជួបហេតុការណ៍នេះ

តារាចម្រៀងស្រីសំនៀងផ្អែម បាន មុន្នីល័ក្ខ បានធ្វើការរិះគន់និងបង្ហាញការហួសចិត្តខ្លាំង បន្ទាប់ពីជួបហេតុការណ៍មួយរវាងអ្នកបើកឡានពេទ្យ និងអ្នកធ្វើដំណើរពិសេសខ្លួននាងផ្ទាល់តែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា បាន មុន្នីល័ក្ខ បានរៀបរាប់ខ្លឹមសារដូច្នេះថា “ជ្រុលពេកហេីយទេដឹងបងៗបេីកឡានបំបុកយកចឹង មិនដឹងថាក្នុងឡានពេទ្យនិងមានអ្នកជំងឺឬអត់ទេ។ ចុះបេីគេចមិនទាន់អ្នកជំងឺក្នុងឡានពេទ្យនឹងគាត់ទៅជាយ៉ាងណាទៅ ឡានគេគ្រប់គ្នាកំពុងអែបកៀនអោយហេីយ បែរជាជិះតម្រង់បំបុកឡានតែម្តង។”

បាន មុន្នីល័ក្ខ បានបន្តថា “ផ្លូវមួយចំហៀងខាងនោះ ជិះតែឯងសោះហ្នឹងហើយ បេីឡានខ្ញុំនិងអ្នកក្រោយៗខ្ញុំគេចក្បាលឡានមិនទាន់ពិតជាបុករះពេញនិងហេីយ។ បេីកយឺតមិនថាទេតែនេះគឺជាន់ឡានដូចហោះ បេីប៉ះបងប្អូនដែលជិះម៉ូតូ មិនដឹងទៅជាយ៉ាងណាទេ។”

តារាចម្រៀង បាន មុន្នីល័ក្ខនិយាយទៀតថា “កុំដល់ថ្នាក់នឹងពេកបងៗដែលបេីកឡានពេទ្យមួយចំនួនតូច បេីអាចក៏បន្ថយល្បឿនខ្លះក៏ល្អដែរ ពេលស្ទះផ្លូវអញ្ចឹង គ្រប់គ្នាគេអែបកៀនអោយទាំងអស់នឹង គេមិនអោយឡានពេទ្យចាំទាំងផ្លូវស្ទះនោះទេគេអែបដេីម្បីអោយឡានពេទ្យទៅមុនហេីយ។”

បន្ថែមពីលើនេះ តារាចម្រៀង កញ្ញា បាន មុន្នីល័ក្ខ លើកឡើងដោយសូមណូមពរថា “បេីបងៗបានឃេីញសារខ្ញុំ សូមជួយសម្រួលទៅបងៗ ដេីម្បីសុវត្តិភាពទាំងអស់គ្នាណា។ នេះគ្រាន់តែជាការសំណូមពរនាងខ្ញុំតែប៉ុណ្ណោះ សូមអរគុណ”៕

អត្ថបទ៖ ចាន់រ៉ា

ចុចអាន៖ ផលិតករ​​ភាពយន្ត​ជើង​ចាស់​រឿង​ «ពុទ្ធិសែន នាងកង្រី» លោក លី ប៊ុនយីម ទទួល​មរណភាព​