ព័ត៌មានជាតិ
ខេត្តព្រះសីហនុ អនុញ្ញាតឱ្យបើកសកម្មភាពសេដ្ឋកិច្ច ឡើងវិញ ស្របតាមគន្លងប្រក្រតីភាពថ្មី
រដ្ឋបាលខេត្តព្រះសីហនុ នៅថ្ងៃទី ១១ ខែវិច្ឆិកា បានប្រកាសអនុញ្ញាតឱ្យមានសកម្មភាពសេដ្ឋកិច្ច សង្គមទាំងអស់ដំណើរការឡើងវិញ ស្របតាមគន្លងប្រក្រតីភាពថ្មី ដោយអនុវត្តតាមវិធានសុខាភិបាលខ្ជាប់ខ្ជួន។
ដោយសារសកម្មភាពសេដ្ឋកិច្ច សង្គមត្រូវបានអនុញ្ញាតឱ្យមានសកម្មភាពជាប្រក្រតីឡើងវិញជាបន្តបន្ទាប់ ដោយក្នុងនោះមាន ដូចជា ការបើកសាលារៀន ទីផ្សារលក់ដូរ ភោជនីយដ្ឋាន អាហារដ្ឋាន តំបន់ទេសចរណ៍ ព្រមទាំងសកម្មភាពការងារ និងមុខរបរមួយចំនួនធំទៀតដែលមានហានិភ័យកម្រិតទាបក៏ត្រូវបានអនុញ្ញាតឱ្យបើកឱ្យដំណើរការឡើងវិញ ប៉ុន្ត ត្រូវស្របតាមគន្លងប្រក្រតីភាពថ្មី ដោយអនុវត្តតាមវិធានសុខាភិបាលយ៉ាងខ្ជាប់ខ្ជួន។
សម្រាប់ខេត្តព្រះសីហនុ ដែលជាប៉ូលសេដ្ឋកិច្ចដ៏មានសក្តានុពលមួយក្នុងចំណោមប៉ូលសេដ្ឋកិច្ចទាំងបី ព្រះរាជាណាចក្រកម្ពុជា ក៏ត្រូវបានរាជរដ្ឋាភិបាលអនុញ្ញាតឱ្យបើកមុនគេក្នុងការទទួលទេសចរណ៍វ៉ាក់សាំង សម្រាប់ ការមកទស្សនាកំសាន្តនៅក្នុងក្រុងព្រះសីហនុ និងក្រុងកោះរ៉ុង។
សេចក្ដីជូនដំណឹងបញ្ជាក់ការណែនាំទាំង ៧ ចំណុចខាងក្រោម៖
១-បញ្ចប់ការធ្វើចត្តាឡីស័កផង និងបន្តធ្វើការងារផង ព្រមទាំងបញ្ឈប់ការធ្វើចត្តាឡីស័កចំពោះបុគ្គលិក កម្មករនិយោជិតនៅក្នុងរោងចក្រ សហគ្រាស ក្រុមហ៊ុន សណ្ឋាគារ កាស៊ីណូ និងមូលដ្ឋានអាជីវកម្មទាំងអស់។
២-ម្ចាស់ ឬអ្នកគ្រប់គ្រងរោងចក្រ សហគ្រាស ក្រុមហ៊ុន សណ្ឋាគារ កាស៊ីណូ និងមូលដ្ឋានអាជីវកម្មទាំង អស់ត្រូវអនុញ្ញាតឱ្យបុគ្គលិក កម្មករ និយោជិតរបស់ខ្លួនអាចចេញ ចូលទីតាំងអាជីវកម្មបានតាមការកំណត់ព្រមព្រៀង គ្នា ឬអាចចេញទៅសម្រាកនៅផ្ទះ ឬទីសំណាក់របស់ខ្លួនបាន នៅក្រោយពេលបញ្ចប់ម៉ោងការងារ។
៣-ម្ចាស់ ឬអ្នកគ្រប់គ្រងរោងចក្រ សហគ្រាស ក្រុមហ៊ុន សណ្ឋាគារ កាស៊ីណូ និងមូលដ្ឋានអាជីវកម្មទាំងអស់ ត្រូវពង្រឹងការអនុវត្តវិធានសុខាភិបាល និងវិធានការ «ការពារ និង ៣កុំ» របស់សម្ដេចតេជោនាយករដ្ឋមន្ត្រីឱ្យបានម៉ឺងម៉ាត់ជាមួយបុគ្គលិក កម្មករ និយោជិតរបស់ខ្លួន ក៏ដូចជាអ្នកមកទទួលសេវា។
៤-ម្ចាស់ ឬអ្នកគ្រប់គ្រងរោងចក្រ សហគ្រាស ក្រុមហ៊ុន សណ្ឋាគារ កាស៊ីណូ និងមូលដ្ឋានអាជីវកម្មទាំងអស់ ត្រូវធានាថាបុគ្គលិក កម្មករ និយោជិត និងភ្ញៀវចេញចូលទាំងអស់ត្រូវតែពាក់ម៉ាស ត្រូវបានវាស់កម្ដៅ ដើម្បីពិនិត្យ សុខភាពជាបឋមមុនពេលចូលទៅកាន់ទីកន្លែងបំពេញការងារ ផ្តល់សេវា និងចូលទៅទទួលសេវា។ ត្រូវរៀបចំឱ្យមាន។ការក្ខេន QR Code (Stop Covid-19) មានឧបករណ៍វាស់កម្ដៅ ម៉ាស៊ីនបាញ់ថ្នាំសម្លាប់មេរោគ អាល់កុល ឬអាល់កុល ជែល សាប៊ូលាងដៃ ដោយត្រូវខិតខំអនុវត្តតាមនីតិវិធីប្រតិបត្តិស្តង់ដារអប្បបរមា SoP សម្រាប់ភ្ញៀវ និងកម្មករបុគ្គលិក និយោជិតបានប្រើប្រាស់គ្រប់គ្រាន់ និងជាប្រចាំ។
៥-ក្នុងករណីមានការសង្ស័យថាមានការឆ្លងជំងឺកូវីដ-១៩ ដល់បុគ្គលិក កម្មករ នៅក្នុងទីតាំងអាជីវកម្មនោះម្ចាស់ ឬអ្នកគ្រប់គ្រងទីតាំងត្រូវម្ចាស់ការចាត់ចែងយកវត្ថុសំណាកដើម្បីវិភាគរកមេរោគកូវីដ-១៩ ដោយប្រើឧបករណ៍ តេស្តរហ័ស (Rapid Test) ជាបន្ទាន់។
៦-ក្នុងករណីបានរកឃើញមានករណីឆ្លងជំងឺកូវីដ-១៩ ដល់បុគ្គលិក កម្មកររបស់ខ្លួនម្ចាស់ទីតាំងត្រូវរាយការណ៍ជូនអាជ្ញាធរមូលដ្ឋាន និងមន្ត្រីសុខាភិបាលដែលនៅជិតបំផុត ដើម្បីចាត់បញ្ជូនអ្នកជំងឺទៅកាន់មន្ទីរព្យាបាលអ្នកជំងឺកូវីដ-១៩ ឬអនុញ្ញាតឱ្យគាត់ទៅព្យាបាលជំងឺនៅតាមផ្ទះ (ក្រោយពីការវាយតម្លៃរបស់ក្រុមគ្រូពេទ្យលើស្ថានភាពសុខភាពរបស់អ្នកជំងឺ)។
៧-ក្រោយពេលបុគ្គលិក កម្មករ និយោជិតបានជាសះស្បើយពីជំងឺកូវី៥-១៩ ដោយមានការបញ្ជាក់ពីមន្ទីរ សុខាភិបាលខេត្ត ត្រូវអនុញ្ញាតឱ្យគាត់ចូលបម្រើការងារនៅកន្លែងដើមវិញដោយគ្មានការរើសអើងឡើយ។សេចក្តីជូនដំណឹងនេះ រដ្ឋបាលខេត្តព្រះសីហនុបានបញ្ជាក់ថា សូមអ្នកឧកញ៉ា លោកឧកញ៉ា លោក លោកស្រី ជាម្ចាស់រោងចក្រ សហគ្រាស ក្រុមហ៊ុន សណ្ឋាគារ កាស៊ីណូ និងមូលដ្ឋានអាជីវកម្មទាំងអស់នៅក្នុងខេត្តព្រះសីហនុជ្រាប និងអនុវត្ត ប្រកបដោយប្រសិទ្ធភាពខ្ពស់៕
អត្ថបទ៖ ស៊ុយ ចាន់ធា
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១១ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ១២ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ជីវិតកម្សាន្ដ១៦ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ