សន្តិសុខសង្គម

លួចម៉ូតូបាន ១០ នាទី បុរសម្នាក់ ត្រូវសមត្ថកិច្ចចាប់ខ្លួនមកវិញ

បានផុស

៤ years មុន

នៅ

ថ្ងៃចន្ទ ១៧ មករា ២០២២

ដោយ

មុខសញ្ញាកាច់សោម៉ូតូម្នាក់ ត្រូវកម្លាំងអធិការដ្ឋានស្រុកមោងឫស្សី ចាប់ខ្លួនដើម្បីបញ្ជូនទៅតុលាការ ក្រោយពីជនសង្ស័យរូបនេះ បានធ្វើសកម្មភាពកាច់សោម៉ូតូរួចយកទៅបាត់ បាន១០នាទី។ ហេតុការណ៍នេះ បានកើតឡើងកាលពីថ្ងៃទី ១៦ ខែមករា ឆ្នាំ ២០២២ វេលាម៉ោង១០ និង ០៥នាទីព្រឹក ត្រង់ចំណុចប្រឡាយចិន ស្ថិតក្នុងក្រុមទី៤ ភូមិបឹងព្រីង ឃុំព្រៃតូច ស្រុកមោងឫស្សី ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងករណីនេះ គឺបានប្រព្រឹត្តឡើងដោយជនសង្ស័យ មិនស្គាល់អត្តសញ្ញាណ បានជិះម៉ូតូ ១ គ្រឿង មកធ្វើសកម្មភាពលួចកាច់សោម៉ូតូ ០១ គ្រឿង ម៉ាកហុងដាសេ ១២៥ ពណ៌ខ្មៅ សេរី ២០១៧ ស្លាកលេខតាកែវ1O-3536 ជារបស់ឈ្មោះ ហាត គង់ ហៅតាប្រេង ភេទប្រុស អាយុ ៥៦ ឆ្នាំ មានទីលំនៅភូមិព្រាននិល ឃុំព្រៃតូច ស្រុកមោងឫស្សី ដែលទុកនៅក្បែរខ្នងប្រឡាយចិន(ចំណុចកើតហេតុខាងលើ) រួចដើរទៅច្រូតស្មៅគោបានប្រហែល ១ ម៉ោង ពេលដើរមកយកម៉ូតូវិញក៏បាត់ពុំឃើញ រួចបានរាយការណ៍ទៅសមត្ថកិច្ចប៉ុស្តិ៍ព្រៃតូចដើម្បីជួយអន្តរាគមន៍។

បន្ទាប់ពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលព្រៃតូច សហការជាមួយកម្លាំងផ្នែកនគរបាលយុត្តិធម៌ នៃអធិការដ្ឋាននគរបាលស្រុកមោងឫស្សី បានចុះធ្វើការស្រាវជ្រាវរហូតឃាត់ខ្លួនបានជនសង្ស័យម្នាក់ ឈ្មោះ យិន យូរហួ ភេទប្រុស អាយុ ៣៧ ឆ្នាំ រស់នៅភូមិដាំស្ពៃ សង្កាត់ស្លាកែត ក្រុងបាត់ដំបង រួមនិងម៉ូតូចំនួន ០២ គ្រឿង(ម៉ូតូជនសង្ស័យ ០១ គ្រឿង និងម៉ូតូដែលលួចខាងលើ ០១ គ្រឿង) នៅវេលាម៉ោង ១០ និង ១៥ នាទីព្រឹក ថ្ងៃដដែល ត្រង់ចំណុចទួលច្រាបដង្កោ ស្ថិតក្នុងភូមិព្រាននិន ឃុំព្រៃតូច ស្រុកមោងឫស្សី រួចបញ្ជូនទៅកាន់អធិការដ្ឋាននគរបាលស្រុកមោងឫស្សី ដើម្បីចាត់ការតាមច្បាប់ ដោយឡែកបក្ខពួក សមត្ថកិច្ចកំពុងបន្តការស្រាវជ្រាវ៕

អត្ថបទ៖ សោ និយមរ័ត្ន

Related Topics:ករណីលួច

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា