ថៃ ប្រាប់ឲ្យធ្វើតេស្តកូវីដសិន មុនរួមភេទ នៅទិវានៃក្តីស្រឡាញ់

មុនពេលរួមភេទក្នុងទិវានៃក្តីស្រលាញ់ គូស្នេហ៍ សូមមេត្តាធ្វើតេស្តរហ័សរកមេរោគកូវីដ១៩ជាមុនសិន។ នេះ​ជា​អនុសាសន៍​របស់​នាយកដ្ឋាន​គ្រប់គ្រង​ជំងឺ​ (DDC) របស់​ប្រទេស​ថៃ។

នៅថ្ងៃពុធទី៩ខែកុម្ភៈនេះ អគ្គនាយក DDC លោក Suwanchai Wattanayingcharoenchai បានសម្តែងការព្រួយបារម្ភថា អាចនឹងមានករណីឆ្លងកូវីដ-១៩ កើនឡើងខ្លាំងបន្ទាប់ពីទិវាក្តីស្រឡាញ់។

ពេលដែលគូស្នេហ៍ ចេញក្រៅណាត់ជួបគ្នា និងញ៉ាំអាហារពេលល្ងាច រួមទាំងភេសជ្ជៈ លោកបាននិយាយថា គ្រប់គ្នាគួរតែបន្តប្រុងប្រយ័ត្នចំពោះការរីករាលដាលនៃមេរោគកូវីដ១៩។

លោកបានផ្តល់អនុសាសន៍ថា អ្នកដែលចង់ចូលរួមព្រឹត្តិការណ៍ ឬពិធីជប់លៀងនានា គួរតែវាយតម្លៃហានិភ័យផ្ទាល់ខ្លួនឯង ដោយប្រើកម្មវិធី Thai Save Thai ។ ហើយសម្រាប់ការរួមភេទដោយសុវត្ថិភាព គូស្នេហ៍គួរតែធ្វើតេស្តរហ័សចេញលទ្ធផលអវិជ្ជមាន ជាមុនសិន។។

កាលពីខែសីហាឆ្នាំមុន ក្រសួងសុខាភិបាលថៃ បានចេញនូវសេចក្តីណែនាំអំពី “ការរួមភេទដោយសុវត្ថិភាពការពារកូវីដ” ដែលរួមមានការពាក់ម៉ាស និងស្រោមអនាម័យ ស្វែងរកទីតាំងដែលមិនទល់មុខគ្នា ក៏ដូចជាអាថ៌កំបាំងផ្សេងៗទៀត៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ទោះធ្លាប់កើតកូវីដ តែអ្នកនៅតែអាចឆ្លង អូមីក្រុង