ព័ត៌មានជាតិ

សម្ដេចតេជោ ប្រតិកម្ម និងព្រមានលោក ហូ វ៉ាន់ ព្រមទាំងបក្ខពួក

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានទម្លាយផែនការក្បត់របស់លោក ហូ វ៉ាន់ អតីតអ្នកនយោបាយ ដែលកំពុងរត់គេចខ្លួន ជុំវិញការបញ្ជាឲ្យបក្ខពួកនៅភ្នំពេញ ធ្វើសកម្មភាពប្រឆាំងនឹងស្ថានទូតចិន ប្រចាំកម្ពុជា នាថ្ងៃទី២៣ ខែតុលា ឆ្នាំ២០២០កន្លងទៅ។

មានប្រសាសន៍ក្នុងពិធីបើកការដ្ឋានសាងសង់ស្ពានបេតុងខ្សែកាប្លិ៍ឆ្លងកាត់ទន្លេបាសាក់ ពីតំបន់កោះពេជ្រ ទៅកាន់ទីក្រុងរណបកោះនរា និងពីកោះនរា ទៅផ្លូវជាតិលេខ១ នាព្រឹកថ្ងៃទី២៦ ខែតុលា ឆ្នាំ២០២០នេះ សម្ដេចនាយករដ្ឋមន្ត្រី ហ៊ុន សែន បានលើកឡើងថា ការតវ៉ានៅមុខស្ថានទូតចិន នាពេលកន្លងមក គឺស្ថិតក្រោមការបញ្ជារបស់លោក ហូ វ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន មានប្រសាសន៍ទៀតថា អ្នកតវ៉ា បានទទួលប្រាក់ពីលោក ហូ វ៉ាន់ និងបានអនុវត្តបញ្ជា។យ៉ាងណាក៏ដោយ សម្ដេច នាយករដ្ឋមន្ត្រី បានព្រមានថា សម្ដេចនឹងមិនអត់ឱនឲ្យមេចោរ និងកូនចោរ នោះឡើយ ពិសេសករណីនៅផ្លូវវ៉េងស្រេង កាលពីឆ្នាំ២០១៣ ហើយការអនុវត្តរបស់អាជ្ញាធរ និងតុលាការ គឺជារឿងត្រឹមត្រូវ ។

សម្ដេចតេជោ បានជំរុញដល់អ្នកចោទប្រកាន់មកលើរាជរដ្ឋាភិបាលកម្ពុជា ឲ្យបង្ហាញការពិត បន្ទាប់ពីពួកគេបានបង្កបញ្ហា លើរឿងវត្តមានយោធា ចិន នៅកំពង់ផែរាម ក្នុងបំណងផ្ដួលរំលំរាជរដ្ឋាភិបាល តែមិនអាចទៅរួច៕