ជីវិតកម្សាន្ដ

មីយ៉ាន់ម៉ា ដោះលែងតារាម៉ូដែល Paing Takhon ចេញពីពន្ធនាគារហើយ

បានផុស

៤ years មុន

នៅ

ថ្ងៃពុធ ២ មីនា ២០២២

ដោយ

មេធាវីរបស់ Paing Takhon បាននិយាយនៅពីថ្ងៃពុធនេះថា តារាសម្ដែង និងជាតារាម៉ូដែលមីយ៉ាន់ម៉ា ត្រូវបានលើកលែងទោស និងដោះលែងពីពន្ធនាគារហើយ។

គួររំលឹកថា បន្ទាប់ពីយោធាបានដណ្តើមអំណាចក្រោមរដ្ឋាភិបាលរបស់លោកស្រី Aung San Suu Kyi កាលពីថ្ងៃទី ០១ ខែកុម្ភៈ ឆ្នាំ ២០២១ លោក Paing Takhon បានចូលរួមបាតុកម្ម និងប្រើប្រាស់ប្រព័ន្ធផ្សព្វផ្សាយសង្គមរបស់លោក ដើម្បីបង្ហាញពីជំហរនយោបាយរបស់ខ្លួន។

តារាសម្ដែង និងជាតារាបង្ហាញម៉ូដរូបនេះ ត្រូវបានចាប់ខ្លួន ខណៈស្នាក់នៅផ្ទះម្ដាយរបស់លោក ក្នុងទីក្រុងយ៉ាំងហ្គោន ក្នុងខែមេសា ហើយត្រូវបានជាប់ពន្ធនាគាររយៈពេលបីឆ្នាំក្នុងខែធ្នូ ពីបទផ្សព្វផ្សាយខ្លឹមសារប្រឆាំងយោធា។

ទោះយ៉ាងណាក៏ដោយ ការចេញផ្សាយនេះ ក្រុមមេធាវីមិនបានបង្ហាញព័ត៌មានលម្អិតបន្ថែមទេ។

ឧត្តមសេនីយ So Min Tun អ្នកនាំពាក្យកងទ័ពមីយ៉ាន់ម៉ា បានបញ្ជាក់ថា អ្នកដទៃក្នុងវិស័យកម្សាន្ត ក៏ត្រូវបានដោះលែងឲ្យមានសេរីភាពដែរ ដូចជា Lu Min, Bai Di Oo, Endra Kyaw Shin ដោយលើកឡើងពីហេតុផលថា ដើម្បីឲ្យអ្នកទាំងនេះ ចូលរួមក្នុងការបង្កើតជាតិ ជាមួយនឹងការងារសិល្បៈវិញ៕

ប្រែសម្រួល៖ សាង ស្រីល័ក្ខ

ចុចអាន៖មីយ៉ាន់ម៉ា ប្រកាសដោះលែងអ្នកទោស ជាង ៨០០នាក់