មីយ៉ាន់ម៉ា ប្រកាសដោះលែងអ្នកទោស ជាង ៨០០នាក់

នៅថ្ងៃសៅរ៍ទី១២ខែកុម្ភៈនេះ យោធាមីយ៉ាន់ម៉ា បានប្រកាសលើកលែងទោស ដល់អ្នកទោសជាង ៨០០ នាក់ ដើម្បីប្រារព្ធទិវាសហភាពរបស់ប្រទេសនេះ។

មីយ៉ាន់ម៉ា បានស្ថិតក្នុងភាពចលាចលចាប់តាំងពីរដ្ឋប្រហារកាលពីឆ្នាំមុន ជាមួយនឹងការតវ៉ាទ្រង់ទ្រាយធំ និងការបង្ក្រាបដោយយោធាជាបន្តបន្ទាប់ ដែលបានសម្លាប់ជនស៊ីវិលជាង ១,៥០០នាក់។

ប្រព័ន្ធផ្សព្វផ្សាយរដ្ឋបានផ្សាយថា ប្រមុខរដ្ឋាភិបាលលោក Min Aung Hlaing បានចេញបញ្ជា លើកលែងទោស សម្រាប់អ្នកទោសចំនួន៨១៤នាក់ ដើម្បីរម្លឹកខួបលើកទី៧៥នៃទិវាសហជីព។

អ្នក​នាំ​ពាក្យ​របប​យោធាលោក Zaw Min Tun បាន​ប្រាប់ AFP ថា អ្នកដែលទទួលការ​លើក​លែង​ទោស ភាគ​ច្រើន​មក​ពី​ពន្ធនាគារ​ក្នុង​មជ្ឈមណ្ឌល​ពាណិជ្ជកម្ម​ទីក្រុង យ៉ាំងហ្គោន។

គួរបញ្ជាក់ថា យោធាបានដោះលែងអ្នកទោសប្រហែល ២៣,០០០ នាក់កាលពីខែមេសាឆ្នាំមុនមក។ ចំនួនស្រដៀងគ្នានេះក៏ត្រូវបានដោះលែងផងដែរ ក្នុងទិវាសហជីពកាលពីឆ្នាំមុន៕

ប្រែសម្រួល៖ Vann Vann

ប្រភព៖ CNA

ចុចអាន៖ ទីបំផុត មីយ៉ាន់ម៉ា ដោះលែងអ្នកទោសនយោបាយ រាប់ពាន់នាក់ ក្រោយរងសម្ពាធពី អាស៊ាន