ព័ត៌មានអន្ដរជាតិ

អ៊ុយក្រែនចោទហុងគ្រីថា មានបំណងចង់បានទឹកដីរបស់ខ្លួន

បានផុស

៣ years មុន

នៅ

ថ្ងៃពុធ ២៣ មីនា ២០២២

ដោយ

ឧបនាយករដ្ឋមន្ត្រីអ៊ុយក្រែនបានចោទប្រកាន់ថា “ឧស្ម័នរុស្ស៊ីថោក” និងការស្រេកឃ្លានទឹកដីអាចនៅពីក្រោយវោហាសាស្ត្រ “គាំទ្ររុស្ស៊ី” របស់ទីក្រុង Budapest។

ឧបនាយករដ្ឋមន្ត្រីរបស់ប្រទេសអ៊ុយក្រែន លោកស្រី Irina Vereshchuk បានចោទសួរថា អ្វីដែលលោកស្រីចាត់ទុក«វោហាសាស្ត្រគាំទ្ររុស្ស៊ី»របស់ប្រទេសហុងគ្រីដែលបានលើកឡើងថា មានបំណងសម្រាប់ឧស្ម័នរុស្ស៊ីតម្លៃថោក ឬសូម្បីតែការចាប់យកដីដ៏មានសក្តានុពលអាចនៅពីក្រោយគោលនយោបាយរបស់រដ្ឋាភិបាលទីក្រុង Budapest ជុំវិញជម្លោះរវាងទីក្រុងមូស្គូ និងទីក្រុងកៀវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហោះលើ Facebook ដ៏វែង មន្ត្រីជាន់ខ្ពស់រូបនេះបានអះអាងថា ៖«សូម្បីតែផ្កាយរណបរុស្ស៊ីទាំងអស់ពីអតីតសហភាពសូវៀតក៏មិនមានឥរិយាបទដូចអាជ្ញាធរហុងគ្រីដែរ»។ លោកស្រីមានប្រសាសន៍ថា ហុងគ្រីមិនគាំទ្រការដាក់ទណ្ឌកម្មលើរុស្ស៊ីទេ។ បដិសេធផ្តល់អាវុធឲ្យអ៊ុយក្រែន និងថែមទាំងមិនអនុញ្ញាតឲ្យអាវុធពីប្រទេសផ្សេងឆ្លងកាត់ទឹកដីរបស់ខ្លួនទៀតផង។

«តាមពិតទៅពួកគេនិយាយថា «ទេ» ចំពោះអ្វីៗទាំងអស់។ បន្តិចទៀត វោហាសាស្ត្ររបស់ទីក្រុង Budapest នឹងគាំទ្ររុស្ស៊ីទាំងស្រុង។ តើនេះជាអ្វី? ចង់បានឧស្ម័នរុស្ស៊ីដែលមានតម្លៃថោក? ឬក៏ប្រហែលជាចង់បាន Transcarpathia (ប្លង់) របស់យើង? លោកស្រី Vereshchuk បានសរសេរ មុនពេលអំពាវនាវឲ្យរដ្ឋាភិបាលទីក្រុង Budapest ចូលរួមក្នុងពិភពលោកអារិយធម៌ និងកុំបង្កកំហុសដដែលនៃសង្គ្រាមលោកលើកទី២នៅពេលហុងគ្រីបានធ្វើការជ្រើសរើសខុស។

នាព្រឹកថ្ងៃពុធ នាយករដ្ឋមន្ត្រីហុងគ្រី លោក Peter Szijjarto បាននិយាយថា ប្រទេសរបស់លោកមិនគាំទ្រទណ្ឌកម្មប្រឆាំងនឹងរុស្ស៊ីទេដែលអាចធ្វើគ្រោះថ្នាក់ដល់ផលប្រយោជន៍ផ្ទាល់ខ្លួន ក្នុងនោះទណ្ឌកម្មលើឧស្ម័ន និងប្រេងរុស្ស៊ី៕

ប្រែសម្រួល៖ វីរបុត្រ
ប្រភព៖ RT

Related Topics:ហុងគ្រី